Mang e Gad Ra Fil ko Fare Ran ni Tharey e Fayleng?

I thang Got e piin nib kireb me ayuweg Noah nge chon e tabinaw rok. Genesis 7:11, 12, 23

Aningeg i ragag e rran nge nep’ ni aw e n’uw nib gel, me mathrow e fayleng ko ran, me yim’ e girdi’ ni kireb.

Fapi engel nra togopuluwgad e ra n’aged downgin e girdi’ ni ur fanayed mi yad mang boch e kan nib kireb.

Piin ni ur moyed u lan fare arke e ra mageygad ni yad ba fas. Yugu aram rogon ni munmun me yim’ Noah nge chon e tabinaw rok, machane ra fasegrad Got bayay me yog e yafas ni manemus ngorad.

Ku ra thang Got e piin nib kireb bayay me ayuweg e piin nib fel’. Matthew 24:37-39

Satan nge pi moonyan’ rok e ka yad be bannag e girdi’.

Boor e girdi’ e ngiyal’ ney ndarur folgad ko fonow rok Jehovah ni bod u nap’an Noah. Dab ki n’uw nap’an me thang Jehovah urngin e piin nib kireb.​—2 Peter 2:5, 6.

Boch e girdi’ e yad bod Noah ni yad ma motoyil ngak Got ma yad ma rin’ e tin ni ke yog. Pi cha’nem e aram e Pi Mich Rok Jehovah.