Mang e Thingar Da Rin’ed Ma Gad Felfelan’nag Got?

Mu siyeg e ngongol ni kireb. 1 Korinth 6:9, 10

Faanra ba t’uf Jehovah rodad, ma dab da rin’ed e pi n’en ni ma fanenikay.

Dabun Jehovah ni ngad moro’ro’gad, ara ngaud chingawgad, ara ngaud fanayed e drugs ara falay ni kireb.

Ma fanenikay Got e mathang fan, nge mali’ bitir u meyal, nge par ko pumoon nge pumoon nge ppin nge ppin, maku dabun ni ngaud chogowgad ara ud chamgad.

Thingar dab ud meybilgad ko liyos ara ud uned nga ngongolen e pig.

Dariy tagil’ e girdi’ ni kireb u Paradis.

Um rin’ e tin nib fel’. Matthew 7:12

Faanra ngad fel’gad u wan’ Got, ma thingar da gayed rogon ngad boded.

Susun e ngaud t’ufeged e girdi’ ni aram e ngaud golgad ngorad.

Ngaun yul’yul’.

Um runguy e girdi’ mu um n’ag fan e kireb.

Mu weliy ngak e girdi’ murung’agen Jehovah nge tin nib m’agan’ ngay.​—Isaiah 43:10.