Uw Rogon ni Ngam Par ni Gab Yul’yul’ ngak Jehovah?

Mu par u ba’ rok Got ni gab mudugil. 1 Peter 5:6-9

Mu digey boch e yalen nde puluw ko Bible. Machane, ba t’uf ni ngam athamgil ngam rin’ e re n’ey.

Dab mu un nga ngongolen e am, ya der ma n’uf Jehovah nge Gil’ilungun.

Mu dugliy e n’en nib fel’ ni ngam rin’ ni aram e ngam motoyil ngak Got. Matthew 7:24, 25

Mu chag ngak e Pi Mich Rok Jehovah, ya yad ra ayuwegem.

Mu ulul i fil murung’agen Got mag gay rogon ni ngam fol ko pi motochiyel rok.

Nap’an nra gel e michan’ rom, ma susun e ngam ognagem ngak Jehovah ngam un ko taufe.​—Matthew 28:19.

Mmotoyil ngak Got, mu um beeg e Bible, ma ga ning e ayuw ngak e Pi Mich Rok Jehovah ngar ayuweged gur ngam nang fan. Ma ga fol ko n’en ni kam fil. Faan ga ra rin’ e re n’ey, ma ra yog e yafas ni manemus ngom.​—Psalm 37:29.