BOCH E THIN NIB GA’ FAN KO THIN ROK GOT | ISAIAH 63-66
Gad Ra Felfelan’ ko Par u Lan e Bin nib Beech Lan e Lang nge Bin nib Beech e Fayleng
Fare thin ni micheg Got u murung’agen rogon nra sulweg e fayleng nga rogon ni bay ko Isaiah ko guruy ni 65 e ban’en nrib mudugil u wan’ Jehovah ni gowa ban’en ni ke mu’ i lebguy.
Bayi sunmiy Jehovah reb e lan e lang nib beech nge reb e fayleng nib beech, ma tin kakrom ban’en e ri bay ni pagtalin
65:17
Mang e bin nib beech lan e lang?
Ireray e bin nib beech e am nra fek i yib e tin nib mat’aw ban’en nga daken e fayleng
Re am ney e tabab ko duw ni 1914 u nap’an ni ke Pilung Kristus u Gil’ilungun Got
Mang fa bin nib beech e fayleng?
Ireray reb e ulung i girdi’ ni kar bad u gubin e nam nge ganong nge gubin mit e thin nib m’agan’rad ngay ni ngar folgad ko pi motochiyel u tan e re am ney ni bay u tharmiy
Uw rogon ni yira pagtalin e tin kakrom ban’en?
Gubin e pi n’en ni ma k’aring e kireban’ ko girdi’ e goo ra m’ay
Piin ni yad ba yul’yul’ ngak Got e yad ra felfelan’ ko yafos rorad nge pi n’en ni yad ra rin’ ni gubin e rran