Ngad Mon’oggad Ko Machib​—Ngan Yoloy e Babyor nib Fel’ Rogon

FAN NIB GA’ FAN: Bin m’on e babyor ko Korinth e ireram reb ko fa ragag nge aningeg yang i babyor ni yoloy apostal Paul ni nge pi’ e athamgil nga laniyan’ e pi walag ni Kristiano u Korinth. Ra nge yoloy be’ bangi babyor ma rayog ni nge fal’eg i lemnag e thin ni nge yoloy ngay, ma faen ni kan pi’ fare gi babyor ngak e rayog ni nge sul ngi i beeg fagi babyor. Ireray reb e kanawo’ nib manigil nrayog ni nge machibnag be’ e girdi’ rok riy nge piin ni ma mada’nagrad. Maku ireray reb e kanawo’ nrib fel’ nrayog ni ngan non ngak e piin nder yag ni ngan non ngorad. Bod nsana kam nonow be’ ko som’on, machane ba mo’maw’ ni ngam pirieg u tabinaw rok. Ma reb e, ku bay e piin nib mo’maw’ ni ngan non ngorad ni bochan e yad ma par u boch e apartment, ara yu yang ni bay e yoror riy, ara yu yang nib palog mab mo’maw’ ni ngan yan ngay. Mang boch ban’en ndab mu pagtalin ni faanra ngam yoloy bangi babyor ngam pi’ ngak be’ nda mu nang owchen?

ROGON NI NGAN RIN’:

• 

  Mu yoloy e n’en ni ga ra yog ngak ni gowa kam mada’gow gimew be non. Som’on e nga mog fithingam, mag tamilangnag ko mang fan ni ga be yol. Sana rayog ni ngam fith reb e deer ni nge pug e tafinay rok facha’, ma gog ngak murung’agen fare website rodad. Mu weliy ngak murung’agen fare Online Bible Study Lessons, ara mog ngak rogon e fol Bible ni gad ma tay, mag weliy ngak boch ko fapi guruy u lan reb e babyor ni gad be fanay ni ngad filed e Bible ko girdi’. Rayog ni ngkum uneg bang e contact card ara invitation, ara tract ko fare babyor ni ngam pi’ ngak

• Dabi yoor ban’en ni nga mog. Museg e n’en ni nga mog u m’on ndawori chalban facha’ i beeg fangi babyor.​—Mu guy reb e kanawo’ u rogon ni ngan yoloy bangi babyor

• Mu sul ngam fal’eg i beeg ya nge yag nim yal’uweg e thin riy, mag guy rogon ni nge par nib beech mab mom ni ngan beeg. Mu guy rogon ni nge fel’ lingan e thin riy, mag gonopiy rogon e thin ni nga mog riy, ma thin riy e rayog ni nge pi’ e athamgil nga laniyan’ be’. Mu tay e stamp ngay nib gaman