BOCH E THIN NIB GA’ FAN KO THIN ROK GOT | GENESIS 15-17

Mang Fan ni Thilyeg Jehovah Fithingan Abram nge Sarai?

17:1, 3-5, 15, 16

Abram e ir be’ ndariy thibngin u wan’ Jehovah. Nap’an ni ki weliy Jehovah boch ban’en u murung’agen e pi n’en ke micheg, ma aram me pi’ reb e ngachal ngak Abram nge Sarai ni be weliy e n’en nra buch boch nga m’on.

Abraham e mang chitamangin boor e nam me Sarah e mang reb e ga’ rok boch e girdi’ ni ur manged pilung. Ireray fan e gal ngachal ney.

Abraham

Chitamangin Boor e Nam
Sarah

Ba Ppin ni Fak e Pilung

Bogi sasing ni bay u taabang: Reb e walag nib pin ni kab fel’ yangaren ni be mon’og ko tirok Got ban’en. 1. Yibe taufenag. 2. Yow be pi’ be’ e welthin u nap’an e muulung u lan e wik. 3. Be dag reb e video ngak be’ nib pin u nap’an e machib.

Dabiyog ni ngad mel’eged e ngachal ni ngan tunguy ngodad u nap’an nni gargelegdad. Machane rayog ni ngad fal’eged thidad ni bod rogon Abraham nge Sarah. Mu fithem ni nge lungum:

‘Uw rogon ni nggu par ndariy thibngig u wan’ Jehovah?’
‘Uw rogon thig u wan’ Jehovah?’