Rayog ni Ngam Machib mag Fil Ban’en ko Girdi’!

Nap’an ni yog Jehovah ngak Moses ni nge rin’ reb e maruwel me lemnag Moses ndabiyog rok ni nge rin’ e re n’em. (Ex 4:10, 13) Gur, bay ba ngiyal’ ni kam lemnag ban’en ni aray rogon? Gur be’ ni ga be un ko Pi Mich Rok Jehovah ko fol Bible ma ga be lemnag ndabiyog ni ngam un ko machib u mit e tabinaw, fa? Ara gur reb e fel’ yangaren ni ga be rus ni ngam machib u skul ara u fithik’ e girdi’ ni yoor ara u telefon. Faanra aray rogon e magawon rom, mab t’uf ni ngam wenig ngak Jehovah u daken e meybil ni nge pi’ gelngin nib thothup ngom. (1Pe 4:11) Ma thingari pagan’um nra ayuwegem ni ngam rin’ e maruwel ni ke pi’ ngom.​—Ex 4:11, 12.

NGAN YALIY FARE VIDEO NI KENGGIN E BE A COURAGEOUS . . . PUBLISHER, NGEMU’ MIN PI’ E FULWEG KO PI DEER NI BAARAY:

• Mang magawon e mada’nag Sister Aoyama?

• Mang e ke ayuweg ni nge par nib gel e michan’ rok ma dabi rus?​—Jer 20:7-9

• Mang angin ni ke yib ngak ni bochan ni yoornag e tin ni be rin’ ni fan ko pigpig rok ngak Jehovah?

• Mang boch e magawon ni ga ma mada’nag u nap’an e machib nrayog ni nge ayuwegem Jehovah ni ngam gel ngay?