PI DEER NI BAY E FULWEG RIY U BIBLE

Gur, bay fan ni kan ngongliy e re fayleng ney?

Re fayleng ney ni kan fal’eg e rayog ni nge par urngin mit e yafos riy. Bay e ran riy ni boor nrayog ni nge ayuweg e yafos. Bochan nib fel’ rogon fare fayleng ni kan sunmiy nge rogon ni be chel, ma dabiyog ni nge el e day ni bod e ice, maku dabi gel e gowel riy. Maku bay ba thal i nifeng nge ban’en ni ka nog e magnetic field ngay ara gamig ni ma ayuweg e fayleng ko radiation ara boch ban’en nrayog ni nga nim’ riy ni ma sum ni bochan boch ban’en ni ma pil u lan e lang ni yira yim’ riy. Yira gin nga rogon ni be taga’ e pi woldug ko gamanman nge rogon ni be taga’ e gamanman ko woldug. Bin riyul’ riy e ke yoor e girdi’ ni kar nanged ni bay fan ni kan sunmiy e fayleng.​—Mu beeg e Isaiah 45:18.

Yira gin nga rogon ni be taga’ e pi woldug ko gamanman nge rogon ni be taga’ e gamanman ko woldug. Machane, rayog ni ngam lemnag ko: ‘Gur, gafgow nge tin nde mat’aw e aram bang ko n’en nib m’agan’ Got ngay?’​—Mu beeg e Deuteronomy 32:4, 5.

Gur, ra lebug fan ni kan sunmiy e fayleng?

Kan fal’eg e re fayleng ney ni bod ba tabinaw ni bay e felfelan’ riy ni fan ko girdi’ ni yad ma tayfarad, mab t’uf rorad e en ni Sunmiyrad. Ere, yafos ko girdi’ e kab tolang ko yafos ko gamanman nge woldug. Gadad manang ko mini’ e en ni Sunmiydad, ma ngad felfelan’gad ma gad folwok ko t’ufeg nge ngongol nib mat’aw ni ke dag.​—Mu beeg e Eklesiastes 12:13; Mikah 6:8.

En ni Sunmiydad e rayog ni nge lebguy gubin ban’en nib m’agan’ ngay. Ere, rayog ni nge mudugil u wan’dad nra chuweg e gafgow nge tin nde mat’aw ban’en, me fal’eg e re fayleng ney nge mang bang ni nge par e girdi’ riy ni yad ba felfelan’.​—Mu beeg e Psalm 37:11, 29; Isaiah 55:11.