Rogon Ni Ngan Fanay Fare Website

Pi Article ko Home Page

Boor e walag ni yad ma fanay fapi article ni bay ko home page ko jw.org u nap’an e machib, ya ba mom ni ngan sendnag ngak be’ mab ga’ ni ma weliy rogon ni be lebguy e pi n’en be buch e pi yiiy u Bible. I yog reb e walag ni pumoon ni fapi article ni bay ko home page e “rib puluw nga rogon e machib ni gad be tay e chiney.”

Machane gubin ngiyal’ ni be thil e pi article ney. Ere uw rogon ni ngam pirieg e tin baaray e article ndakuriy ko home page?

• Mman ko home page ko jw.org, mag click ko fare link ni be gaar “See More.” Re link ney e ra fekem ko fare page ni kenggin e “Recently Featured on the Home Page,” ma aram e gin ga ra pirieg boch e article riy ni kafin ni chuweg ko home page.

• Mman ko jw.org ara JW Library^®, mag mel’eg e “Library,” mag yan ko “Article Series,” ngemu’ mag yan ko “More Topics.” Boor e article ni ka immoy ko home page ni bay u roy.