11 ‘Ní ọjọ́ yẹn, màá gbé àtíbàbà* Dáfídì+ tó ti wó dìde,

Màá sì tún àwọn àlàfo rẹ̀* ṣe,

Màá tún àwókù rẹ̀ kọ́;

Màá tún un kọ́, á sì rí bíi ti tẹ́lẹ̀,+

12 Kí wọ́n lè gba ohun tó ṣẹ́ kù nínú Édómù,+

Àti ohun tó ṣẹ́ kù nínú gbogbo àwọn orílẹ̀-èdè tí a fi orúkọ mi pè,’ ni Jèhófà, ẹni tó ń ṣe nǹkan yìí wí.

18 Ilé Jékọ́bù yóò di iná,

Ilé Jósẹ́fù yóò di ọwọ́ iná,

Ilé Ísọ̀ yóò sì dà bí àgékù pòròpórò;

Wọn yóò ti iná bọ̀ wọ́n, wọn yóò sì run wọ́n,

Ẹnikẹ́ni kì yóò sì là á já ní ilé Ísọ̀,+

Torí Jèhófà fúnra rẹ̀ ti sọ ọ́.