Orin Sólómọ́nì

7 “Ẹsẹ̀ rẹ mà dára nínú bàtà rẹ o,

Ìwọ ọmọbìnrin tó níwà ọmọlúwàbí!

Àwọn ẹ̀gbẹ̀ẹ̀gbẹ́ itan rẹ dà bí ohun ọ̀ṣọ́,

Iṣẹ́ ọwọ́ oníṣẹ́ ọnà.

 3 Ọmú rẹ méjèèjì dà bí ọmọ àgbọ̀nrín méjì,

Ó dà bí ọmọ egbin tí wọ́n jẹ́ ìbejì.+

Ojú rẹ+ dà bí àwọn omi Hẹ́ṣíbónì,+

Lẹ́gbẹ̀ẹ́ ẹnubodè Bati-rábímù.

Imú rẹ dà bí ilé gogoro Lẹ́bánónì,

Tó dojú kọ Damásíkù.

 5 Orí rẹ dé ọ ládé bíi Kámẹ́lì,+

Irun rẹ*+ sì dà bí òwú aláwọ̀ pọ́pù.+

 6 O mà lẹ́wà o, o mà wuni o,

Ìwọ obìnrin tí mo nífẹ̀ẹ́, o wuni ju gbogbo nǹkan dáradára míì!

 7 Ìdúró rẹ rí bí igi ọ̀pẹ,

Ọmú rẹ sì dà bí òṣùṣù èso déètì.+

 8 Mo sọ pé, ‘Màá gun igi ọ̀pẹ lọ,

Kí n lè di àwọn ẹ̀ka tí èso rẹ̀ so mọ́ mú.’

Kí ọmú rẹ dà bí òṣùṣù èso àjàrà,

Kí èémí rẹ máa ta sánsán bí àwọn èso ápù,

 9 Kí ẹnu* rẹ sì dà bíi wáìnì tó dára jù.”

“Kó máa lọ tìnrín ní ọ̀fun olólùfẹ́ mi,

Bó ṣe rọra ń ṣàn lórí ètè àwọn tó ń sùn.”

10 Olólùfẹ́ mi ló ni mí,+

Èmi sì ni ọkàn rẹ̀ ń fà sí.

11 Máa bọ̀, olólùfẹ́ mi,

Jẹ́ ká lọ sínú pápá;

Jẹ́ ká lọ sí àárín àwọn ewéko làálì,+ ká sì dúró níbẹ̀.

12 Jẹ́ ká tètè jí, ká sì lọ sínú àwọn ọgbà àjàrà,

Ká lọ wò ó bóyá àjàrà ti hù,*

Bóyá òdòdó ti yọ,+

Bóyá àwọn igi pómégíránétì ti yọ òdòdó.+

13 Àwọn èso máńdírékì+ ń ta sánsán;

Onírúurú èso tó dáa jù+ wà ní ẹnu ọ̀nà wa.

Èyí tí wọ́n ṣẹ̀ṣẹ̀ ká àti èyí tí wọ́n ti ká tẹ́lẹ̀,

Ni mo kó pa mọ́ fún ọ, ìwọ olólùfẹ́ mi.