Ẹ̀dà Tó Wà Fún Ìkẹ́kọ̀ọ́

OHUN TÁWỌN ÀPILẸ̀KỌ TÁ A MÁA KẸ́KỌ̀Ọ́ DÁ LÉ

ÀPILẸ̀KỌ FÚN ÌKẸ́KỌ̀Ọ́ 1 OJÚ ÌWÉ 7 sí 11

Ọ̀pọ̀ nǹkan ló ń pọ́n aráyé lójú ní àkókò tá a wà yìí. Nínú àpilẹ̀kọ yìí, a máa kẹ́kọ̀ọ́ lára àwọn èèyàn tí wọ́n dojú kọ àwọn ipò tó le koko láyé àtijọ́ àti lóde òní. Ó sì tún máa jẹ́ ká mọ bá a ṣe lè jẹ́ onígboyà ká sì ní èrò tó dáa láìka àdánwò tó lè dé bá wa sí.

ÀPILẸ̀KỌ FÚN ÌKẸ́KỌ̀Ọ́ 2 OJÚ ÌWÉ 12 sí 16

Lónìí, dípò ẹ̀mí tó ń gbéni ró, ẹ̀mí tó ń múni rẹ̀wẹ̀sì ló kúnnú ayé. Nínú àpilẹ̀kọ yìí, kọ́ bó o ṣe lè máa sá fún àwọn ìwà àti ìṣe tó lè dá wàhálà sílẹ̀ nínú ìjọ àti bó o ṣe lè ní ẹ̀mí tó máa mú kó o ní àjọṣe tó dára pẹ̀lú àwọn ẹlòmíì.

ÀWỌN ÀPILẸ̀KỌ FÚN ÌKẸ́KỌ̀Ọ́ 3 àti 4 OJÚ ÌWÉ 22 sí 31

Àpilẹ̀kọ àkọ́kọ́ ṣàlàyé àwọn ìlérí tó ṣeyebíye tí Ọlọ́run ti búra pé òun máa mú ṣẹ. Ká lè jàǹfààní nínú àwọn ìlérí Ọlọ́run, a gbọ́dọ̀ máa ṣègbọràn sí i, ká sì jẹ́ olóòótọ́. Àpilẹ̀kọ kejì fún wa ní àpẹẹrẹ àwọn èèyàn tí wọ́n jẹ́ kí Bẹ́ẹ̀ ni wọn jẹ́ Bẹ́ẹ̀ ni, ó sì tún fún àwọn Kristẹni tó ti ṣe ìrìbọmi níṣìírí pé kí wọ́n jẹ́ olóòótọ́ sí Bẹ́ẹ̀ ni tó ṣe pàtàkì jù lọ tí wọ́n ṣe.—Mát. 5:37.