Ẹ̀dà Tó Wà Fún Ìkẹ́kọ̀ọ́

OHUN TÁWỌN ÀPILẸ̀KỌ TÁ A MÁA KẸ́KỌ̀Ọ́ DÁ LÉ

ÀPILẸ̀KỌ FÚN ÌKẸ́KỌ̀Ọ́ 1 OJÚ ÌWÉ 3 sí 7

Dáfídì, Ọba Ísírẹ́lì ìgbàanì ka orúkọ Jèhófà àti àwọn nǹkan tí Ọlọ́run pinnu láti ṣe sí pàtàkì gan-an. Àpilẹ̀kọ́ yìí fi hàn pé ó mọ àwọn ìlànà tó wà nínú Òfin Ọlọ́run, ó sì gbàdúrà pé kí Ọlọ́run kọ́ òun láti máa ṣe ìfẹ́ Rẹ̀. Àpilẹ̀kọ yìí tún jẹ́ ká mọ ìdí tó fi yẹ ká máa ronú lórí ohun tí Ọlọ́run máa fẹ́ ká ṣe.

ÀWỌN ÀPILẸ̀KỌ FÚN ÌKẸ́KỌ̀Ọ́ 2 àti 3 OJÚ ÌWÉ 10 sí 19

Torí pé àwọn Kristẹni tòótọ́ jẹ́ ọmọlẹ́yìn Jésù, wọ́n mọ̀ pé ó yẹ káwọn jẹ́ onírẹ̀lẹ̀. Àpilẹ̀kọ àkọ́kọ́ sọ bá a ṣe lè jẹ́ onírẹ̀lẹ̀ bíi ti Jésù, ká lè máa tẹ̀ lé àwọn ìṣísẹ̀ rẹ̀ pẹ́kípẹ́kí. Àpilẹ̀kọ kejì ṣàlàyé bá a ṣe lè máa hùwà bí ẹni tó kéré jù nínú ohun gbogbo tá a bá ń ṣe.

ÀWỌN ÀPILẸ̀KỌ FÚN ÌKẸ́KỌ̀Ọ́ 4 àti 5 OJÚ ÌWÉ 21 sí 30

Àwọn àpilẹ̀kọ yìí máa jẹ́ ká rí i pé ó máa ń wu Jèhófà láti dárí jì wá, kódà tá a bá dẹ́ṣẹ̀ tó burú jáì. Ó lè ṣòro fún wa nígbà míì láti dárí jini. Àmọ́, àwọn ìlànà inú Ìwé Mímọ́ lè ràn wá lọ́wọ́ ká lè máa dárí jini.