Ẹ̀dà Tó Wà Fún Ìkẹ́kọ̀ọ́

OHUN TÁWỌN ÀPILẸ̀KỌ TÁ A MÁA KẸ́KỌ̀Ọ́ DÁ LÉ

ÀWỌN ÀPILẸ̀KỌ FÚN ÌKẸ́KỌ̀Ọ́ 1, 2 OJÚ ÌWÉ 4 sí 13

Kí ló lè mú káyé yẹni ní tòótọ́? Àwọn àpilẹ̀kọ yìí fi hàn pé ọ̀pọ̀ èèyàn ò mọ ohun tó ń mú káyé yẹni. A tún máa rí i pe kí ayé lè yẹ wá, ó ṣe pàtàkì pé ká jẹ́ olóòótọ́ sí Ọlọ́run, ká sì gbà láti ṣe iṣẹ́ tó gbé lé wa lọ́wọ́.

ÀWỌN ÀPILẸ̀KỌ FÚN ÌKẸ́KỌ̀Ọ́ 3, 4 OJÚ ÌWÉ 19 sí 28

Kí nìdí tá a fi lè sọ pé “olùgbé fún ìgbà díẹ̀” ni àwọn ẹni àmì òróró àti “àwọn àgùntàn mìíràn” tí wọ́n jẹ́ alábàákẹ́gbẹ́ wọn? (Jòh. 10:16; 1 Pét. 2:11) A máa rí ìdáhùn sí ìbéèrè yìí nínú àwọn àpilẹ̀kọ yìí. Wọ́n tún máa ràn wá lọ́wọ́ láti dúró lórí ìpinnu wa láti máa gbé bí olùgbé fún ìgbà díẹ̀ nínú ayé, ká sì máa ṣiṣẹ́ ìwàásù pẹ̀lú ẹgbẹ́ àwọn ará wa kárí ayé.