Ẹ̀DÀ TÓ WÀ FÚN ÌKẸ́KỌ̀Ọ́

ÀWỌN ÀPILẸ̀KỌ FÚN ÌKẸ́KỌ̀Ọ́

▪ Jẹ́ Onígboyà, Jèhófà Wà Pẹ̀lú Rẹ!

Bíbélì sọ fún wa nípa ọ̀pọ̀ àwọn ìránṣẹ́ Jèhófà tí wọ́n ní ìgbàgbọ́ àti ìgboyà. Ìrírí wọn máa fún ìgbàgbọ́ wa lókun, ó sì máa jẹ́ kí àwa náà máa fi ìgboyà sin Jèhófà. Nínú àpilẹ̀kọ yìí la ti máa jíròrò ọ̀rọ̀ ẹsẹ Ìwé Mímọ́ wa ti ọdún 2013.

▪ Má Ṣe Jẹ́ Kí Ohunkóhun Mú Ẹ Jìnnà sí Jèhófà

▪ Túbọ̀ Sún Mọ́ Jèhófà

Ọ̀pọ̀ nǹkan ló wà láyé yìí tí a kò lè fi ọwọ́ ara wa yàn. Lára wọn ni àwọn òbí wa, ẹ̀gbọ́n tàbí àbúrò wa àti ibi tí wọ́n máa bí wa sí. Ṣùgbọ́n a lè yàn bóyá a máa sún mọ́ Ọlọ́run tàbí a máa jìnnà sí i. Nínú àwọn àpilẹ̀kọ yìí, a máa jíròrò ohun méje tí a kò gbọ́dọ̀ jẹ́ kó mú wa jìnnà sí Jèhófà.

▪ O Lè Sin Jèhófà Kó O Má sì Kábàámọ̀

Gbogbo wa la ti kábàámọ̀ rí, tó sì ṣe wá bíi pé ká ṣàtúnṣe àwọn ohun kan tá a ti ṣe kọjá. Àmọ́, tá a bá ń ṣàníyàn jù nípa àwọn àṣìṣe wa, kò ní ṣeé ṣe fún wa láti fi iṣẹ́ ìsìn Ọlọ́run sí ipò àkọ́kọ́. Nínú àpilẹ̀kọ yìí, a máa rí bí àpẹẹrẹ àpọ́sítélì Pọ́ọ̀lù ṣe lè ràn wá lọ́wọ́ láti sin Jèhófà ká má sì kábàámọ̀.

▪ Àwọn Alàgbà Jẹ́ ‘Alábàáṣiṣẹ́pọ̀ fún Ìdùnnú Wa’

Pọ́ọ̀lù sọ nínú lẹ́tà kejì tó kọ sí àwọn Kristẹni tó wà ní Kọ́ríńtì pé òun àtàwọn táwọn jọ ń ṣiṣẹ́ pọ̀ jẹ́ ‘alábàáṣiṣẹ́pọ̀ fún ìdùnnú wọn.’ (2 Kọ́r. 1:24) Kí làwọn alàgbà lè rí kọ́ látinú gbólóhùn yìí? Báwo la sì ṣe lè máa ran ara wa lọ́wọ́ ká lè máa bá a nìṣó láti fayọ̀ sin Ọlọ́run? A máa dáhùn àwọn ìbéèrè yìí nínú àpilẹ̀kọ yìí.