Ẹ̀DÀ TÓ WÀ FÚN ÌKẸ́KỌ̀Ọ́

Ìgbàgbọ́ tí Mósè ní mú kó máa rí ohun tó kọjá èyí tó lè fi ojú lásán rí. Nínú àpilẹ̀kọ yìí, a máa jíròrò bá a ṣe lè lo ìgbàgbọ́ bíi ti Mósè ká sì máa bá a lọ ní “fífẹsẹ̀múlẹ̀ ṣinṣin bí ẹni tí ń rí Ẹni tí a kò lè rí.”—Héb. 11:27.

Àràádọ́ta ọ̀kẹ́ èèyàn kárí ayé ti yàn láti fi ìlú ìbílẹ̀ wọn sílẹ̀ kí wọ́n lè wá iṣẹ́ lọ sí ilẹ̀ òkèèrè. Ọ̀pọ̀ lára wọn ló sì fi ìyàwó àtàwọn ọmọ sílẹ̀ nílé. Àwọn àpilẹ̀kọ yìí máa jẹ́ ká mọ ojú tí Jèhófà fẹ́ ká máa fi wo ojúṣe wa nínú ìdílé, ó sì tún máa jẹ́ ká mọ bí Jèhófà ṣe ń ràn wá lọ́wọ́ láti ṣe ojúṣe náà.

Nígbà tá a bá kà á nínú Bíbélì pé “ojú Jèhófà ń bẹ ní ibi gbogbo,” àwọn kan lára wa lè máa rò pé ohun tó jẹ Ọlọ́run lógún ni bó ṣe máa rí sí i pé à ń pa àwọn òfin òun mọ́. Ìyẹn sì lè mú ká máa ní ìbẹ̀rù tí kò tọ́. (Òwe 15:3) Àmọ́, àpilẹ̀kọ yìí máa jẹ́ ká rí ọ̀nà márùn-ún tá a lè gbà jàǹfààní látinú bí Jèhófà ṣe ń fìfẹ́ bójú tó wa.