Àwọn Ohun Tó Wà Nínú Ìwé Ìròyìn Yìí

Nígbà ayé Jésù, ọ̀rọ̀ òṣèlú, ẹ̀yà àti ipò láwùjọ mú káwọn èèyàn yapa síra wọn. Nínú àpilẹ̀kọ méjèèjì, a máa rí bí Jésù ṣe kọ́ àwọn ọmọlẹ́yìn rẹ̀ pé kí wọ́n wà níṣọ̀kan, kí wọ́n sì borí ẹ̀tanú tó lè fa ìpínyà láàárín wọn. A sì máa rí bí àpẹẹrẹ wọn ṣe lè ràn wá lọ́wọ́ láti wà níṣọ̀kan nínú ayé tó pín yẹ́lẹyẹ̀lẹ yìí.

A gbọ́dọ̀ kọ́ ẹ̀rí ọkàn wa dáadáa kó lè tọ́ wa sọ́nà. Jèhófà ti fún wa láwọn òfin àti ìlànà tá a lè fi kọ́ ẹ̀rí ọkàn wa, ká sì lè fi ojú tí Ọlọ́run fi ń wo nǹkan wò ó. Àpilẹ̀kọ yìí jíròrò bá a ṣe lè fi àwọn ìlànà Bíbélì sílò nígbèésí ayé wa.

Jésù sọ fáwọn ọmọlẹ́yìn rẹ̀ pé kí wọ́n jẹ́ kí ìmọ́lẹ̀ wọn máa tàn kí wọ́n lè fògo fún Ọlọ́run. Àpilẹ̀kọ yìí sọ àwọn nǹkan tá a lè ṣe kí ìmọ́lẹ̀ wa lè máa tàn, tá a bá sì ṣe wọ́n, ó dájú pé ìmọ́lẹ̀ wa á túbọ̀ máa tàn.