Ohun Tó O Lè Ṣe Tó Ò Bá Lómìnira Àtijáde Bíi Ti Tẹ́lẹ̀
Ṣé nǹkan ti sú ẹ torí pé o ò lè jáde nílé? Tó bá rí bẹ́ẹ̀, ó lè máa ṣe ẹ bíi tí onísáàmù kan tó sọ pé: “Mo dà bí ẹyẹ tó dá wà lórí òrùlé.” (Sáàmù 102:7) Ọ̀rọ̀ ọgbọ́n tó wà nínú Bíbélì lè jẹ́ kó o rọ́gbọ́n dá sí ìṣòro tó máa ń wáyé tí èèyàn ò bá lè kúrò nílé torí àwọn ìdí kan.
Túbọ̀ sún mọ́ Ọlọ́run
Kódà tí kò bá ṣeé ṣe fún ẹ láti kúrò lójú kan, o ṣì lè láyọ̀ tó o bá ní in lọ́kàn pé ó fẹ́ túbọ̀ ní àjọṣe tó dára pẹ̀lú Ọlọ́run tó o sì ṣe àwọn nǹkan tó máa jẹ́ kó o túbọ̀ sún mọ́ ọn. (Mátíù 5:3, 6) Àwọn ohun tó o lè rí lọ́fẹ̀ẹ́ tá a tò sísàlẹ̀ yìí máa jẹ́ kó o mọ bó o ṣe máa ṣe é.
Ìjíròrò tó dá lórí àwọn ẹ̀kọ́ inú Bíbélì lórí ìkànnì tó máa jẹ́ kó o rí ìdáhùn sáwọn ìbéèrè tó yẹ kéèyàn mọ̀ nípa ìgbésí ayé
Àwọn fídíò tí kò gùn púpọ̀ tó dá lórí àwọn ẹ̀kọ́ pàtàkì tó wà nínú Bíbélì
Apá tá a pè ní “Ohun Tí Bíbélì Sọ” máa jẹ́ kó o rí ìdáhùn sáwọn ìbéèrè tó máa ń wà lọ́kàn ọ̀pọ̀ èèyàn
Abala tá a pè ní “Tẹ̀ Lé àpẹẹrẹ Ìgbàgbọ́ Wọn” máa jẹ́ kó o mọ àwọn ohun tó ṣẹlẹ̀ sáwọn ọkùnrin àti obìnrin tí Bíbélì sọ̀rọ̀ nípa wọn
Abala tá a pè ní “Ta Ló Ṣiṣẹ́ Àrà Yìí?” máa jẹ́ kó o rí báwọn ohun tí Ọlọ́run dá ṣe rẹwà tó, tí kò sì sẹ́ni tó mọ ohun tí Ọlọ́run fi pilẹ̀ rẹ̀
Ka àwọn apá ibi tó máa jẹ́ kára tù ẹ́ nínú Bíbélì
Àwọn ẹsẹ Bíbélì tá a tò sísàlẹ̀ yìí ti tu ọ̀pọ̀ èèyàn nínú. Má wulẹ̀ ka gbogbo ẹsẹ Bíbélì yìí lẹ́ẹ̀kàn náà, lo àkókò tó o fi wà nílé yìí láti fi ka àwọn Bíbélì náà díẹ̀díẹ̀, kó o ronú lórí ohun tó o kà, kó o sì gbàdúrà.—Máàkù 1:35.
Kẹ́kọ̀ọ́ kó o lè mọ ohun tó fà á táwọn nǹkan fi rí bó ṣe rí yìí
Wàá lókun láti fara da ipò kan tó ń kó ìdààmú bá ẹ tó o bá mọ ohun tó fà á tí nǹkan burúkú fi ń ṣẹlẹ̀ àti bí Ọlọ́run ṣe máa dáwọ́ ẹ̀ dúró táa sì ṣàtúnṣe sáwọn ohun tó ti bà jẹ́.—Àìsáyà 65:17.
Kí ni Bíbélì sọ pé ó máa ṣẹlẹ̀ sí àìsàn àti ìlera àwọn èèyàn?
Má ṣe kó ara ẹ lọ́kàn sókè láìnídìí
Tó o bá ka àwọn àpilẹ̀kọ tá a sọ nísàlẹ̀ yìí, á jẹ́ kí ọkàn ẹ balẹ̀ kí ìdààmú tí àìlè kúrò nílé máa ń fà má bàa bò ẹ́ mọ́lẹ̀, á sì jẹ́ kó o “yéé ṣàníyàn.”—Mátíù 6:25.
Bó ṣe lè dá ẹ lójú pé nǹkan ṣì máa dáa
Wá ọ̀rẹ́ kún ọ̀rẹ́
Tó o bá lọ́rẹ̀ẹ́ tó o lè fọ̀rọ̀ lọ̀, wàá lè ronú lọ́nà tó já gaara, inú ẹ sì máa dùn, àgàgà lásìkò téèyàn ò lè rí ọ̀rẹ́ náà lójúkojú. Tí kò bá ṣeé ṣe fún ẹ láti kúrò nílé, o lè pe àwọn ọ̀rẹ́ tó o ti ní tẹ́lẹ̀ lórí fóònù kẹ́ ẹ lè gbóhùn ara yín tàbí kẹ́ ẹ tiẹ̀ ríra yín látorí fóònù, èyí máa jẹ́ kẹ́ ẹ túbọ̀ mọwọ́ ara yín, kó o sì tún ní àwọn ọ̀rẹ́ tuntun. Àwọn àpilẹ̀kọ tá a tò sísàlẹ̀ yìí máa jẹ́ kó o mọ bó o ṣe lè ní àwọn ọ̀rẹ́ tòótọ́ àti bíwọ náà ṣe lè jẹ́ “ọ̀rẹ́ tòótọ́.”—Òwe 17:17.
Ṣe ohun tó máa jẹ́ kára ẹ yá gágá
Bíbélì sọ pé “àǹfààní . . . wà nínú eré ìmárale.” (1 Tímótì 4:8) Ó máa jẹ́ kó o lè ronú dáadáa, kò sì ní jẹ́ kí ọkàn ẹ bà jẹ́, pàápàá lásìkò tó ò lè kúrò nílé. A ti rí i pé kódà tí o ò bá ṣeé ṣe fún ẹ láti kúrò nílé, ó ṣì láwọn nǹkan tó o lè ṣe tí kò ní jẹ́ kí nǹkan sú ẹ.