Jésù Máa Fòpin sí Ogun

Jésù fi hàn pé òun nífẹ̀ẹ́ àwa èèyàn gan-an nígbà tó wà láyé. Kódà, ó nífẹ̀ẹ́ wa débi pé ó fi ẹ̀mí ẹ̀ lélẹ̀ nítorí wa. (Mátíù 20:28; Jòhánù 15:13) Láìpẹ́, Jésù tún máa fi ìfẹ́ tó ní sí wa hàn ní ti pé ó máa lo agbára rẹ̀ gẹ́gẹ́ bí Ọba Ìjọba Ọlọ́run láti “fòpin sí ogun kárí ayé.”​—Sáàmù 46:9.

Ẹ gbọ́ ohun tí Bíbélì sọ pé Jésù máa ṣe:

• “Yóò gba àwọn aláìní tó ń kígbe fún ìrànlọ́wọ́ sílẹ̀, yóò sì gba tálákà àti ẹni tí kò ní olùrànlọ́wọ́. Yóò ṣàánú aláìní àti tálákà, yóò sì gba ẹ̀mí àwọn tálákà là. Yóò gbà wọ́n lọ́wọ́ ìnira àti ìwà ipá.”​—Sáàmù 72:12-14.

Báwo la ṣe lè fi hàn pé a mọrírì ohun tí Jésù ti ṣe fún wa àtohun tó ṣì máa ṣe fún wa? Ohun kan tá a lè ṣe ni pé ká túbọ̀ kẹ́kọ̀ọ́ nípa “ìhìn rere Ìjọba Ọlọ́run” tí Jésù wàásù nígbà tó wà láyé. (Lúùkù 4:43) Kó o lè mọ̀ sí i, ka àpilẹ̀kọ náà “Kí Ni Ìjọba Ọlọ́run?”