Àlàyé Ìsàlẹ̀ Ìwé

a Àjẹkì jẹ́ ìwà tó máa ń mọ́ èèyàn lára, ohun tá a sì fi máa ń mọ alájẹkì ni pé á máa fi ìwọra jẹun tàbí kó máa jẹun ní àjẹjù. Nípa bẹ́ẹ̀, bí ẹnì kan ṣe tóbi tó kọ́ ló fi í hàn ní alájẹkì bí kò ṣe bó ṣe máa ń ṣe tọ́rọ̀ oúnjẹ bá délẹ̀. Ẹnì kan lè má sanra síbẹ̀ kó jẹ́ alájẹkì, èèyàn pẹ́lẹ́ńgẹ́ pàápàá lè jẹ́ alájẹkì. Bẹ́ẹ̀ sì rèé, nígbà míì àìlera lè mú kí ẹnì kan wú jù tàbí kí àbùdá ẹnì kan mú kó sanra jọ̀kọ̀tọ̀. Kókó ibẹ̀ ni pé alájẹkì lẹ́ni tó bá ń ki àṣejù bọ ọ̀ràn oúnjẹ, ẹni náà ì báà sanra tàbí kó má sanra.—Wo “Ìbéèrè Láti Ọwọ́ Àwọn Òǹkàwé” nínú Ilé Ìṣọ́ November 1, 2004.