ORIN 22
Ìjọba Ọlọ́run Ti Ń Ṣàkóso—Jẹ́ Kó Dé!
Bíi Ti Orí Ìwé
1. Jèhófà, o ti wà tipẹ́,
Ìwọ yóò wà láéláé.
O ti fàṣẹ yan Ọmọ rẹ;
O gbé e gorí ìtẹ́.
Ìjọba náà ti wà lọ́run;
Yóò ṣàkóso ayé láìpẹ́.
(ÈGBÈ)
Ìgbàlà wa ti dé!
Ìjọba Ọlọ́run bẹ̀rẹ̀.
Jèhófà, a bẹ̀ ọ́,
“Jọ̀wọ́, jẹ́ kó dé, jẹ́ kó dé!”
2. Àwọn áńgẹ́lì ńyọ̀ lọ́run,
Wọ́n bú sórin ayọ̀.
Torí a ti l’Éṣù jáde
Kúrò ní àárín wọn.
Ìjọba náà ti wà lọ́run;
Yóò ṣàkóso ayé láìpẹ́.
(ÈGBÈ)
Ìgbàlà wa ti dé!
Ìjọba Ọlọ́run bẹ̀rẹ̀.
Jèhófà, a bẹ̀ ọ́,
“Jọ̀wọ́, jẹ́ kó dé, jẹ́ kó dé!”
3. Sátánì yóò pa run láìpẹ́;
Ìdáǹdè wa dé tán.
À ń róhun tí ayé kò rí,
Bí ìpọ́njú tiẹ̀ pọ̀.
Ìjọba náà ti wà lọ́run;
Yóò ṣàkóso ayé láìpẹ́.
(ÈGBÈ)
Ìgbàlà wa ti dé!
Ìjọba Ọlọ́run bẹ̀rẹ̀.
Jèhófà, a bẹ̀ ọ́,
“Jọ̀wọ́, jẹ́ kó dé, jẹ́ kó dé!”
(Tún wo Dán. 2:34, 35; 2 Kọ́r. 4:18.)