Mbi tu Fueti ku Vanga mu Kuangidika Nzambi’e?

Tina ku vanga mambi. 1 Coríntios 6:9, 10

Ti tu n’zolanga Yave, tu lendi vanga ko ma ka n’lendanga.

Yave ka zolanga ko befu tu yiba, tu kolu malavu, ove tu sadila biuma bi n’vunzulanga n’tu.

Nzambi n’lendanga ku vonda, ku botula buemba, ayi ku bundana babakala na babakala. Kasa tia ko tu ba luzolu lu zimbongu ove ku nuanisanga badi yitu.

Tu sa fuana ko ku sambila bitumba ove kusadila mambu ma ziphevi zimbi.

Ku Paladizu yi m’ba va n’totu kuala sa ba ko ba n’vanganga mambi.

Vanganga mamboti. Mateus 7:12

Mu kuangidika Nzambi tu fueti ku landakana mavanga mandi.

Mo tu monisa luzolu kuidi badi yitu, tu bavangilanga ma mboti ayi ku ba kabilanga.

Bika ku ba nkua bu khita.

Banga nkua kiadi ayi nkua n’lenvu.

Longa ba nkaka matedi Yave ayi zinzila ziandi. —Isaías 43:10.