Minkunga mi Kintinu mi Tukindisanga

Polo ayi Sila bayimbidila Yave minkunga bo baba mu buloko. (Mav 16:25) Mu thangu’itu mvandi, zikhomba zitu baba mu buloku buphasi ku Sachsenhausen, bayimbila minkunga mi Kintinu, ku tsi yi Alemanha bo buba Alemanha Nazista ayi bo baba mu buvika ku Siberia. Bifwani beni bimmonisa mangolo madi mu minkunga mwingi kukindisa ba khomba badi mu kumonikina ziphasi.

Mu zimbembo ziwombo zinkaka bambelama kutambula mvandi buku yimona yi minkunga yintuba: “Yimbidila Yave mu Mayangi”. Thangu tunkwiza tambula yawu, befu tulenda kwitu kulunda minkunga beni mu ntu ayi kwimbilanga miawu bo tuvanga mbwongimini va dikanda. (Efeso 5:19) Pheve yinlongo yala tusadisa kubambuka moyo befu kumonikina ziphasi. Minkunga mi Kintinu milenda tusadisa mu kukwikama mu kivuvu twidi. Milenda mvandi kutusadisa mu thangu ziphasi. Ayi bo twidi buboti minkunga mituvanga befu “ kuyimbila mumayangi” mukila kintim’etu wumboti. (1 Lusansu 15:16 Minkunga 33:1-3) Dyawu vanga mangolo mwingi wuzaba minkunga myetu mi Kintinu!

TALA VIDEO NKUNGA WUVANA MANGOLO KWIDI BISADI, AYI VUTULA MIMVUTU MI BYUVU ABIBI:

• Ntindu mbi mambu mavanga Khomb’itu Frost kasonika nkunga?

• Bwidi nkunga beni wusadisila bakhomba baba mu buloku buphasi ku Sachsenhausen?

• Mu ntindu mbi mambu minkunga mi Kintinu milenda kukindisa?

• Ntindu mbi nkunga wu Kintinu ngyewu tidi kulunda mu ntu?