Nani Ngiewu Wala Tumisa?

Kadika mvu, tumvanganga mangolo ma kutumisa batu va kizunga kitu muingi balandakana Mbambukulu Moyo. Bawombo mu bawu, badi batu tukhambu zaba. Tufueti tumisa mvandi batu tuzebi. Bo bantambulanga thumusunu kuidi batu bazebi, bawu banluta kuendanga mu Mbambukulu Moyo. (yb08 11 ¶3; 14 ¶1) Banani ngiewu wulenda tumisa?

• Basi dikanda diaku

• Batu bansalanga yaku voti bo bankotanga yaku kikola

• Badi va nsengi’aku

• Batu wumvutukilanga, bo waba vananga ndongukulu yi Kibibila ayi bo banlongukanga yaku

Mvandi, bakulutu ba kimvuka bala tumisa batu bavonga mu kiphevi. Mbi wulenda vanga boti vadi batu wuzebi bakhambu kalanga va kizunga kiaku? Wulenda bakula thangu ayi kibuangu kiala vangimina Mbambukulu Moyo va kizunga bankalanga mu kukota vantuba: MA TUTEDI mu khondi mayo jw.org ayi kota vantuba “Mbambukulu Moyo Lufwa lu Yesu.” Bo wunkubama mu Mbambukulu Moyo wu mvu awuwu, yindula batu wulenda tumisa, ayi wuba vana ngie veka nkanda wu kutumisina.