Sadila Buku Baka Mayangi ma Mvu ka Mvu! Muingi Kukuna Kiminu mu Yave ayi mu Yesu

Muingi kukuangidika Nzambi, minlonguki mi Kibibila bafueti kuna kiminu kingolo. (Ebeleo 11:6) Tulenda nyikuna mintima miawu mu kusadila buku Baka Mayangi Ma Mvu Ka Mvu! Kibila mu buku ayoyo muidi matangu ma Kibibila, mayindu mafuana, biuvu bimboti, zivideo ayi zifoto zilenda nyikuna mintima mi minlonguki. Bo tunsadisa minlonguki mi Kibibila kukuna zikhadulu zimboti ayi kikundi na Nzambi, tunkuiza bakubika muingi kununga zithotolo balenda monikina.—1 Kolinto 3:12-15.

Bankaka banyindulanga ti didi diambu diphasi kuba kikundi na Nzambi, kibila bammonanga ko. Diawu tufueti kuba sadisa muingi bakuna kiminu mu Yave, Nzambi yi luzolo.

TALANU VIDEO KUNA KIMINU MU YAVE MU KUSADILA BUKU “BAKA MAYANGI MA MVU KA MVU!” AYI VANANU MIMVUTU MI BIUVU BINLANDA:

• Mbi bimmonisa ti khomba bekubika buboti ndongukulu yi Kibibila?

• Mbi khomba kabe vanga muingi kusudikisa mambu madi mu Yesaya 41:10, 13?

• Buidi video ayi matangu ma Kibibila mabe sadisila nlonguki?

Bawombo bavisanga ko tsundu yi khudulu yi Yesu voti batadilanga ko khudulu beni ti widi nkhayilu wu Nzambi kuidi bawu. (Ngalatia 2:20) Diawu, tufueti ku basadisa muingi bakuna kiminu mu khudulu yi Yesu.

TALANU VIDEO KUNA KIMINU MU YESU MU KUSADILA BUKU “BAKA MAYANGI MA MVU KA MVU!” AYI VANANU MIMVUTU MI BIUVU BINLANDA:

• Mbi bimmonisa ti khomba bekubika buboti ndongukulu yi Kibibila?

• Buidi kabe sadila buboti vama vantuba: “Tala Mambu Mankaka” muingi kusadisa nlonguki?

• Kibibila mbi nsambu wididi nkinza kuidi nlonguki?