ZINGILA MU BUKLISTO
Yave wu Tusadisanga Bo Tumviokila mu Mambu Maphasi
Mu bilumbu abibi bitsuka, befu tumviokilanga mu mambu mawombo maphasi. Ayi khumbu zinkaka tulenda yindula ti tulendi nunga ko mambu tumviokila. Vayi befu kutatamana kufikama Yave, nandi kalenda tusadisa kukindama mu mambu ma tutulanga mu kiunda. (Yesaya 43:2, 4) Buidi tulenda fikimina Yave mu thangu tumviokila mu mambu maphasi?
Kusambila. Bo tunzibula ntim’itu kuidi Yave, nandi wu tuvananga ndembama ayi mangolo mantombolu muingi tukindama.—Filipi 4:6, 7; 1 Tesalonika 5:17.
Zikhutukunu. Bo tumviokila mu mambu maphasi, tuntombuluanga bidia bi kiphevi ayi kuba va kimueka na zikhomba mu zikhutukunu. (Ebeleo 10:24, 25) Bo tunkubamanga, tunlandakananga zikhutukunu ayi tumvananga mimvutu, befu tumbakanga ndandu mu lusadusu Yave kamvananga mu nzila phevi’andi.—Nzaikusu 2:29.
Kusamuna. Tulenda fika ba mayindu mamboti, befu kuvanga mamoso tulenda nunga muingi kusamuna. Tumbakanga mvandi khindusulu yimfuminanga kuidi zikhomba zitu—ayi kuidi Yave.—1 Kolinto 3:5-10.
TALANU VIDEO YAVE WALA KUKIEBA, BOSI VANANU MIMVUTU MI BIUVU BINLANDA:
Mbi bisadisa yaya Malu katatamana kufikama Yave, kheti mu mambu maphasi kaviokila?
Dedi yaya Malu, buidi mambu madi mu Minkunga 34:18 malenda bombila baboso bamviokila mu mambu maphasi?
Buidi kinongo ki yaya Malu kimmonisina ti Yave wumvananga “mangolo malutidi” kuidi bo bamviokila mu ziphasi?—2 Kolinto 4:7