Zindubu Kuidi Baboso Banlandakana Lukutukunu lu Mavula

MINSUDIKI MI KIBUANGU Minsudiki badidi avava, muingi kutusadisa. Lemvuka, landakana thuadusulu’awu mu matedi vama mulenda tula makalu, va kukala ayi mankaka.

KUBOTAMA Batu boso bambotama, bafueti kala mu bikundu bitheti bidi vantuala palco. Diawu mu Kisabala va meni, baboso bambotama bafueti kala mu bikundu baba kubikila ava dilongi di batu bambotama ditona. Mubika zimbakana kutuala dituaya ayi bikhutu bi kubotimina bimmonisa lukinzu.

MINKHAYILU Zimbongo ziwombu zibe tombolu muingi kukubika kibuangu akiki, dedi kukubika bisengu bi minkunga, bisengu bibe tusadisa kubuela baka ndandu mu zivideo zi lukutukunu lube tubuela kufikama Yave. Diawu, zaba kuaku ti minkhayilu miaku mu zimbongo, minsadisanga kisalu ki Yave. Buawu, boti tidi kuvana minkhayilu, avava vadi zikasu wulenda vangila mawu. Dingumba Dintuadisi baku tonda beni mu minkhayilu miaku wumvananga muingi kusadisila kisalu ki Kintinu.

LUSALUSU LUTHETI Zaba ti, batu BALENDA BUA KUBELA va kibuangu akiki, bawu to tunkuiza buka.

BIUMA BIZIMBIDI VA KIBUANGU Boti biuma benonga bio bazimbisidi, buna wulenda bika biawu kuidi Dingumba Bantadilanga matedi biuma binzimbala. Ayi boti kiuma be zimbisa, wulenda tombila mvandi kiawu kuidi dingumba beni. Ti muana kilezi be zimbala, mufueti nnata kuidi dingumba beni. Diawu, bikanu kukuekula bana binu, vayi mufueti kuba kieba va kibuangu muidi.

BIKUNDU Fueti yindula mvandi bankaka. Diawu fueti zaba ti batu to wulenda suekila kibuangu ki kukala, bo bandiata yaku dikalu dimueka, dikanda diaku ayi minlonguki mi Kibibila. Lemvuka, kawubika biuma mu bikundu binkala batu.

BATIDI KUBUELA MIOKO Boti tidi kubuela mioko mu bisalu bimvangama va kibuangu akiki ki lukutukunu lu mavula, buna tomba Dingumba dintadila batu batidi kubuela mioko.

LUKUTUKUNU LUMFUNU

Kikola ki Minsamuni mi Kintinu Mintuami ntuala badi 23 nati 65 di mimvu, bantomba kubuela kukivana mu kisalu ki kusamuna, Tuba tumisa muingi balandakana lukutukunu lumfunu lunkuiza tubila matedi kikola beni mu kilumingu va masika. Tunkuiza zabikisa thangu ayi kibuangu lunkuiza vangimina.