Zindubu kuidi baboso banlandakana lukutukunu

MINSUDIKI MI KIBUANGU Lemvuka, landakana thuadusulu’awu mu matedi vama mulenda tula makalu, va kukala ayi mambu mankaka.

KUBOTAMA Mufueti bikila bikundu bitheti bidi vantuala palco, kuidi batu bankuiza botama. Diawu baboso bambotama, bafueti kala mu bikundu beni ava dilongi dintubila bambotama ditona mu Kisabala va meni. Kadika mutu wumbotama, kafueti tuala dituaya diandi ayi bikhutu bi kubotimina bimmonisa lukinzu.

MINKHAILU Zimbongo ziwombo zibe tombulu muingi kukubika kibuangu akiki, dedi kukubika bisengu bi minkunga, bi kutusadisa kubuela baka ndandu mu zivideo zi lukutukunu muingi tubuela kufikama Yave. Minkhailu miaku mimbuela mioko kisalu akiki kimvangamanga mu nza yimvimba. Diawu, ngie wulenda vana minkhailu miaku mu zikasu zidi va kibuangu akiki. Mvandi wulenda vana minkailu miaku mu jw.org, kota vantuba donate. Tuntondanga beni minkhailu mioso mumvananga. Dimgunba Dintuadisi baku tonda beni mu minkhailu miaku mimbuelanga mioko kisalu ki Kintinu.

LUSALUSU LU MIMFELIMI Zaba ti baboso balenda bua kubela va kibuangu akiki, bawu to tulenda vana lusalusu.

BIUMA BINZIMBALA Boti biuma benonga, nata biawu kuidi Dingumba Dintadilanga Matedi Biuma Binzimbala. Ayi boti kiuma bezimbisa, wulenda tombila kiawu kuidi dingumba beni. Ti muana kilezi bezimbala, mufueti kunnata kuidi dingumba beni. Diawu bikanu kukuekula bana binu, vayi mufueti kuba kieba va kibuangu muidi.

BIKUNDU Fueti yindula mvandi bankaka. Diawu zaba ti batu to wulenda suekila kibuangu ki kukala, bo bandiata yaku dikalu dimueka, dikanda diaku ayi minlonguki mi Kibibila. Lemvuka, kawu bika biuma mu bikundu binkala batu.

BATIDI KUBUELA MIOKO Boti tidi kubuela mioko mu bisalu bimvangama va kibuangu akiki, buna tomba Dingumba dintadila matedi batu batidi kubuela mioko. donate.jw.org ‘Samuna Zitsangu Zimboti’ Lukutukunu lu Mavula lu Zimbangi zi Yave, Mvu 2024