Zindubu Kuidi Baboso Banlandakana Lukutukunu

MINSUDIKI MI KIBUANGU Lemvuka, landakana thuadusulu’awu mu matedi vama mulenda tula makalu, va kukala ayi mambu mankaka.

KUBOTAMA Mufueti bikila bikundu bitheti bidi vantuala palco, kuidi batu bankuiza botama. Diawu baboso bambotama, bafueti kala mu bikundu beni ava dilongi dintubila bambotama ditona mu Kisabala va meni. Kadika mutu wumbotama, kafueti tuala dituaya diandi ayi bikhutu bi kubotimina bimmonisa lukinzu.

MINKHAILU Zimbongo ziwombo zibe tombulu muingi kukubika kibuangu akiki, dedi kukubika bisengu bi minkunga, bi kutusadisa kubuela baka ndandu mu zivideo zi lukutukunu muingi tubuela kufikama Yave. Minkhailu miaku mimbuela mioko kisalu akiki kimvangamanga mu nza yimvimba. Diawu, ngie wulenda vana minkhailu miaku mu zikasu zidi va kibuangu akiki. Mvandi wulenda vanina minkailu miaku mu jw.org, kota vantuba donate. Tuntondanga beni minkhailu mioso mumvananga. Dimgunba Dintuadisi baku tonda beni mu minkhailu miaku mimbuelanga mioko kisalu ki Kintinu.

LUSALUSU LU MIMFELIMI Enati mutu wumbua kubela va kibuangu akiki, kalenda tambula lusadusu lu mimfelimi.

BIUMA BINZIMBALA Boti biuma benonga, nata biawu kuidi Dingumba Dintadilanga Matedi Biuma Binzimbala. Ayi boti kiuma bezimbisa, wulenda tombila kiawu va kibuangu vadi dingumba beni. Ti muana kilezi bezimbala, mufueti kunnata va kibuangu beni. Diawu bikanu kukuekula bana binu.

BIKUNDU Fueti yindula mvandi bankaka. Diawu zaba ti batu wulenda suekila kibuangu ki kukala, bo bandiata yaku dikalu dimueka to, dikanda diaku ayi minlonguki mi Kibibila. Lemvuka, kawu bika biuma mu bikundu binkala batu.

BATIDI KUBUELA MIOKO Boti tidi kubuela mioko mu bisalu bimvangama va kibuangu akiki, buna tomba Dingumba dintadila matedi batu batidi kubuela mioko.

Lukubuku kuidi Dingumba di Ntuadisi di Zimbangi zi Yave