LESSON 60
Tatamana Kukonzuka mu Kiphevi
Mu ndongukulu’aku yi Kibibila ngie malonguka mawombo matedi Yave. Mambu malonguka, mamvanga luzolo luaku mu Yave luluta ba lungolo. Ayi ḿba mawu ma kuvanga kubaka makani ma kukivana kuidi Yave ayi kubotama. Boti wuvengi’abu ko mawu, ḿba ngie wuntomba kubaka makani amomo mu bilumbu binkuiza. Vayi ndionzukulu’aku yi kiphevi yisinkuiza sukila ko bo wumbotama. Kibila vankuiza tombulu wutatamana kufikama Yave. Buidi wulenda vangila mawu?
1.Kibila mbi tufueti tatiminina kukindisa kikundi kitu na Yave?
Tufueti vanga mangolo muingi tutatamana kukindisa kikundi kitu na Yave. Kibila mbi? “Muingi tubika vekuka mu nzila” yi Yave. (Ebeleo 2:1) Mbi bilenda ku tusadisa kutatamana bakuikama mu Yave? Mu kukivana mu kisalu ki kusamuna ayi kuyindula ziphila zinkaka tulenda buedila mioko mu kisalu ki Yave. (Tanga Filipi 3:16.) Kusadila Yave, didi diambu dilutidi nkinza mu luzingu.—Minkunga 84:10.
2.Mambu mbi mankaka wufueti tatamana kuvanga?
Ndongukulu’aku yi Kibibila yembelama kumana vayi tebukanga moyo ti, wufueti tatamana kuzingila mu phila yinkuangidika Yave. Kibibila kintuba ti tufueti “vuata kimutu kimona.” (Efeso 4:23, 24) Bo wuntatamana kulonguka diambu di Nzambi ayi kulandakananga zikhutukunu, ngie wunkuiza buela longuka mawombo matedi diambu di Nzambi ayi zikhadulu ziandi. Yindula ziphila wulenda landikinina zikhadulu ziandi muingi wubuela kumfikama. Mvandi yindula boti vadi mambu mu luzingu luaku wufueti balula muingi wuyangidika Yave.
3.Buidi Yave ka tusadisilanga kukonzuka mu kiphevi?
Kibibila kintuba: “Nzambi . . . wela kulu kubika, kulu kindisa, kulu vana zingolo ayi wela kulu tsikimisa mu khambu nyikuka.” (1 Petelo 5:10) Baklisto boso bamviokilanga mu zithotolo. Vayi, Yave wutuvananga mangolo muingi kununga ziawu. (Minkunga 139:23, 24) Yave wutukanikisa ti wala tuvana kheti phuila voti mangolo muingi tununga kunsadila mu lukuikumunu.—Tanga Filipi 2:13..
BUELA LONGUKA
Mona buidi wulenda tatiminina kukonzuka mu kiphevi ayi lusakumunu mbi wala tambula.
4. Buela kindisa kikundi kiaku na Yave
Nsambu ayi ndongukulu’aku yi Kibibila bi kusadisa kuba nkundi wu Yave. Buidi kuvanganga mambu amomo malenda kusadisila kubuela fikama Yave?
Tanga Minkunga 62:8, bosi tubilanu kiuvu kinlanda
Buidi kusambilanga mu ntima’aku woso kulenda kusadisila kukindisa kikundi kiaku na Yave?
Tanga Minkunga 1:2 ayi nota, bosi tubilanu kiuvu kinlanda:
Buidi kubotulanga thangu yifuana muingi kutanganga Kibibila, kulenda kusadisila kubuela kindisa kikundi kiaku na Yave?
Mbi wufueti vanga muingi wuluta baka ndandu mu ndongukulu’aku yi Kibibila? Muingi wumona mua mambu wufueti vanga, tala VIDEO, bosi tubilanu biuvu binlanda.
Mambu mbi bemona mu video ngie wuntomba kusadila?
Mambu mbi wuntomba kubuela visa mu ndongukulu’aku yi Kibibila?
5. Baka makani ma kiphevi
Kubaka makani ma kiphevi mankuiza kusadisa kukonzuka mu kiphevi. Tala VIDEO, bosi tubila kiuvu kinlanda.
Mu video tube mona, buidi kubaka makani ma kiphevi masadisila Cameron?
Bakana ko baboso balenda nunga kue samuna mu bibuangu bidi beni tsatu. Vayi befu boso tulenda nunga kusikika makani ma kiphevi. Tanga Zingana 21:5, bosi fiongunina makani ngie wulenda nunga kudukisa . . .
mu kimvuka.
mu kisalu ki kusamuna.
Buidi mambu madi mu matangu amama mankuiza kusadisila kudukisa makani beni?
Tala makani ngie wulenda nunga kudukisa
Kulonguka kusambilanga mu ntima woso.
Kutanga Kibibila kioso.
Kuzaba zikhomba zioso mu kimvuka.
Kutona ndongokulu yi Kibibila.
Kuba nsadisi wu mintua mintuala voti ntuami ntuala.
Boti ngie widi khomba wu dibakala, baka makani ma kuba nsadisi wu bakulutu.
6. Baka mayangi ma mvu ka mvu!
Tanga Minkunga 22:26, bosi tubilanu kiuvu kinlanda:
Mbi wulenda vanga muingi wubaka mayangi ma mvu ka mvu?
MBI NGIE BELONGUKA
Tatamana kukindisa kikundi kiaku na Yave ayi baka makani ma kiphevi. Ngie kuvanga mawu, wala baka mayangi ma mvu ka mvu.
Vutukila Mambu Mamfunu
Kibila mbi tufueti bela lufiatu ti Yave wala tusadisa tunsadila mu lukuikumunu?
Buidi wulenda kindisila kikundi kiaku na Yave?
Buidi kusikika makani ma kiphevi, malenda kusadisila kukonzuka mu kiphevi?
TALA MAMBU MANKAKA
Mbi Yave kanluta vuanga nkinza, kumonisa to va meso ma bankaka ti tuidi bakuikama kuidi nandi voti kutatamana kunatina luzingu mu phila nandi kanzodilanga?
Kheti bisadi bi Yave bikuikama, khumbu zinkaka bambanga mu kiunda. Mona buidi bu kubue bakila mayangi.
Buidi wulenda sikikila makani ma kiphevi ayi kudukisa mawu?
“Estabeleça alvos espirituais que glorifiquem seu Criador” (A Sentinela, 15 de Julho 2004)
Kibila mbi didi diambu dinkinza kukonzuka mu kiphevi ayi buidi wulenda dukisila mawu?
“Avancemos à madureza—‘está próximo o grande dia de Jeová’” (A Sentinela, 15 de Maio 2009)