KUTONA MASOLO
DILONGI 6
Ba Kibakala
Nsua wu Kibibila: “Tuyiza kuna kibakala mu lusadusu lu Nzambi muingi kululonga zitsangu zimona.”—1 Tesa. 2:2.
Mbi Yesu Kavanga
1. Tala VIDEO, voti tanga Luka 19:1-7. Bosi fiongunina biuvu binlanda:
Kibila mbi batu bankaka basa zodilanga ko kukoluka na Zakayi?
Kheti bobo, kibila mbi Yesu kabakila makani ma kulonga Zakayi zitsangu zimboti?
Mbi Tulenda Longuka Matedi Yesu?
2. Vantombulu kibakala muingi kulonga zitsangu zimboti mukhambu luvasanu.
Landakana Kifuani ki Yesu
3. Fiatila mu Yave. Phevi yi Nzambi yivana mangolo kuidi Yesu muingi kasamuna ayi yawu mvandi yilenda kutusadisa. (Matai 10:19, 20; Luka 4:18) Dinda Kibakala kuidi Yave muingi wununga kusamuna kuidi batu ngie wulenda mona boma.—Mava. 4:29.
4. Bika Kuba Luvasanu. Befu tulenda mona nkaku wu kukoluka na batu mu kibila ki zinhitu ziawu, phila badidi bazabakana, busina badi voti mambu banlonganga mu binganga biawu. Vayi tebuka moyo ti:
Yave ayi Yesu bannunganga kumona mambu madi mu ntima; vayi befu ndamba.
Batu boso balenda tambula nlemvu wu Yave.
5. Monisa kibakala ayi ba keba keba. (Matai 10:16) Bika kukuambila. Manisa masolo mu lukinzu boti mutu kasintomba ko kukuwa zitsangu zimboti voti wuntomba kutuvanga phasi. —Zinga 17:14.