KUTONA MASOLO
DILONGI 5
Monisa Lukinzu
Nsua wu Kibibila: “Bika mambu luntuba mabanga mamboti.”—Kolo. 4:6.
Mbi Polo Kavanga
1.Tala VIDEO, voti tanga Mavanga 17:22, 23. Bosi, fiongunina biuvu binlanda:
Buidi Polo kabela bo kamona zitsambudulu zi luvunu baba vanganga ku Atene?—Tala Mavanga 17:16.
Kheti bobo, mbi Polo kavanga muingi kuba longa zitsangu zimboti?
Mbi Tulenda Longuka Matedi Polo?
2. Batu balenda tukuwa, befu kusola mambu ma kukoluka, phila ayi thangu yifuana yi kukolukila mawu.
Landakana Kifuani ki Polo
3. Sola bikuma mu nduenga. Dedi, boti widi mu kukoluka na mutu wukhambu kikininanga mu Yesu, mu nduenga, zaba bu kutubila matedi Kibibila ayi matedi Yesu.
4. Bika fika ludika mambu kantuba. Dedi, bika theti nandi kayoluka. Na kutuba dioso diambu dikhambulu nguizani na Kibibila, bika kukuambila yandi. (Tiagu 1:19) Ngie kunkuwa, wunkuiza visa mambu mbi nandi kankikininanga ayi kibila mbi kankikininanga mu mawu.—Zinga. 20:5.
5. Vutula matondo kuidi mutu beni na kutuba diambu dimboti. Tomba kutubila matedi mambu makiedika benu babuadi munkikininanga. Bosi bumviokila thangu, nlongisa mbi Kibibila kintuba matedi mambu mankaka.
TALA MVANDI
Zinga 25:15; 2 Timo. 2:23-26; 1 Pete. 3:15