KUTATAMANA MASOLO
DILONGI 7
Kukindama
Nsua wu Kibibila: “Bawu basa bika ko kulonga, vayi batatamana kusamuna zitsangu zimona.” —Mava. 5:42.
Mbi Polo Kavanga
1. Tala VIDEO, voti tanga Mavanga 19:8-10. Bosi fiongunina biuvu binlanda:
Kheti bo bankaka bambalukila, buidi Polo kamonisina ti wuba wukindama?
Khumbu zikua ayi thangu Polo kaviokisa muingi kuvutukila batu baba vuanga nkinza?
Mbi Tulenda Longuka Matedi Polo?
2. Tufueti sadila thangu ayi mangolo mitu muingi kuvutukila batu banvua nkinza ayi kutona ndongukulu yi Kibibila.
Landakana Kifuani ki Polo
3. Vutukila mutu mu thangu nandi kansola. Wukiyuvusa: ‘Kibuangu mbi ayi thangu mbi tulenda ndenginina? Kibuangi mbi ayi kilokulu mbi kalenda luta bakila thangu muingi kukoluka?’ Vanga mangolo muingi kuvutukilanga mutu mu thangu kabe sola kheti phasi kuidi ngiewu kuvanga mawu mu thangu beni.
4. Tsikika kilumbu wulenda bue mvutukila. Bo mummanisa masolo, yuvula kuidi mutu beki nzo thangu yifuana ayi kilumbu wulenda bue mvutukila. Vanga mangolo muingi wumvutukila mu kilumbu ayi thangu kansola.
5. Ba kivuvu. Bika kuyindula ti bo wukhambu kundengana ku nzo ayi bo kadi mawombo muingi kuvanga, buna kasimvua ko nkinza. (1 Koli. 13:4, 7) Vayi kheti wumvanga mawombo muingi kumvutukila, tebuka mvandi moyo ti wufueti sadila buboti thangu’aku.—1 Koli. 9:26.