KUTATAMANA MASOLO
DILONGI 8
Ba Mvibudulu
Nsua wu Kibibila: “Luzolo luzebi kuvibidila.” —1 Koli. 13:4.
Mbi Yesu Kavanga
1. Tala VIDEO, voti tanga Yoane 7:3-5 ayi 1 Kolinto 15:3, 4, 7. Bosi fiongunina biuvu binlanda:
Va thonono, buidi zikhomba zi Yesu baba tadilanga zitsangu kaba longanga?
Mbi bimmonisa ti Yesu kasavongila ko khomb’andi Tiagu?
Mbi Tulenda Longuka Matedi Yesu?
2. Tufueti banga mvibudulu, kibila batu bankaka bantombuluanga thangu muingi kuvitika zitsangu zimboti.
Landakana Kifuani ki Yesu
3. Sadila ziphila ziviakana. Boti mutu kasimfika kikinina ko ndongukulu yi Kibibila, bika kunkuika. Ngie kubaka luaku, sadila zivideo ayi bilongulu muingi kummonisa buidi bumvangiminanga ndongukulu yi Kibibila ayi ndandu mbi kalenda baka.
4. Bika kudedikisa. Kadika mutu widi phil’andi. Boti musi dikanda diaku voti mutu bevutukila bemanga kulonguka Kibibila ove kukikinina diambu dimueka Kibibila kinlonga, meka kuyindula kibila mbi. Bukiedika ti nandi bevanga mawu mu kibila ki mambu kanlongukanga mu kinganga kiandi? Nandi widi mu kumona boma buidi batu banlenda ntadila va nsengi? Mvana thangu muingi kayindula mu mambu ngie benkamba ayi kafiongunina mambu Kibibila kinlonga.
5. Nata mutu beni mu nsambu. Dinda kuidi Yave muingi wutatamana kuba mayindu mafuana ayi wuyolukila mu lukinzu. Dinda duenga muingi wuzaba thangu mbi wulenda bika kubue vutukilanga mutu no kasi mvua ko nkinza.—1 Koli. 9:26.