KUTATAMANA MASOLO
DILONGI 9
Mona Kiadi
Nsua wu Kibibila: “Yangalalanu va kimueka na batu banguangalala; dilanu va kimueka na batu bandila.”—Loma 12:15.
Mbi Yesu Kavanga
1. Tala VIDEO, voti tanga Malako 6:30-34. Bosi fiongunina biuvu binlanda:
Kibila mbi Yesu na bapostolo bandi baba tombila “kuba va baveka”?
Mbi bivanga Yesu muingi kulonga nkangu wu batu?
Mbi Tulenda Longuka Matedi Yesu?
2. Kumona batu kiadi kunsundula kuvanga mamoso tulenda nunga muingi kubasadisa, kubika to kutsikika mayindu mu zitsangu tunlonga.
Landakana Kifuani ki Yesu
3. Yuwa buboti. Bika mutu ka kuzabikisa mabanza mandi. Bika kuvunzikisa voti kulenza mambu kadi mu kuviokila. Ngie kukuwa buboti mambu kantuba, wunkuiza monisa ti wumvua nkinza mambu kankoluka.
4. Yindula matedi mutu bevua nkinza. Mu kutadila masolo wuba yandi, wukiyuvusa:
‘Kibila mbi vantombulu nandi kukuwa kiedika?’
‘Buidi ndongukulu yi Kibibila yinkuiza nsadisila kuba luzingu lumboti bubu ayi mu bilumbu binkuiza?’
5. Tuba mambu malenda kunsadisa. Tona vana thonono, mmonisa buidi Kibibila kilenda vanina mimvutu mi biuvu biandi, ayi buidi kiawu kilenda kunsadisila mu mambu ma lumbu ka lumbu.