PIA MU KISALU KI KUSAMUNA | BAKA MAYANGI MU KUVANGA MINLONGUKI
Sadila Bifuani Muingi Kulonga Mambu Malutidi Nkinza
Bo tumvutukila mutu, voti bo tumvana ndongukulu yi Kibibila, tufueti sadisa minlonguki mitu kuvisa mambu malutidi nkinza. Befu kusadila bifuani muingi kulonga mambu malutidi nkinza, tuala nyikuna mabanza mawu ayi tuala basadisa kutebukila monyo mambu babe longuka.
Bo ngie wunkubama muingi kuvutukila mutu voti kuvana ndongukulu yi Kibibila, fuanikisa mambu malutidi nkinza, bika kuandi mambu mankaka. Bosi, sola bifuani bikhambu phasi bibongulu mu mambu ma lumbu ka lumbu. (Matai 5:14-16; Malako 2:21; Luka 14:7-11) Bo wumvanga mawu, yindula mambu mutu beni kamvanganga ayi kikhulu kiandi. (Luka 5:2-11; Yoane 4:7-15) Bo wummona ti nandi bekuangalala kibila bevisa diambu dilutidi nkinza, ngie mvaku wunkuiza baka beni mayangi.
TALANU VIDEO BAKA MAYANGI MU KUVANGA MINLONGUKI—BUELA PISUKA MU KULONGA—SADILA BIFUANI MUINGI KULONGA MAMBU MALUTIDI NKINZA, BOSI VANANU MIMVUTU MI BIUVU BINLANDA:
Kibila mbi minlonguki bantombilanga lusalusu muingi kuvisa matangu ma Kibibila?
Buidi Ana kabe fuanikisila mambu madi mu Loma 5:12?
Bifuani bimboti binyikunanga mabanza
Ndandu mbi bifuani tunsadila bilenda tuadisa kuidi batu ba tukuwa?
Kibila mbi tufueti sadila zivideo ayi bisadulu binkaka kimvuka ki Yave kitu vananga mu kisalu ki kusamuna?