WUKIVANA MU KISALU KI KUSAMUNA | BAKA MAYANGI MU KUVANGA MINLONGUKI
Sadisa Minlonguki miaku mi Kibibila Balandakananga Zikhutukunu
Zikhutukunu zidi beni nkinza mu mbuongimini yi kiedika. (Minkunga 22:22) Baboso bambuongiminanga Yave va kimueka, bambakanga mayangi ayi lusakumunu. (Minkunga 65:4) Minlonguki mi Kibibila bafika konzukanga mu kiphevi ba kulandakananga zikhutukunu.
Buidi wulenda kindisila minlonguki mi Kibibila kuzola kulandakananga zikhutukunu? Tatamana ku batumisa mu zikhutukunu. Wuba monisa video Mbi Bimmonikanga ku Nzo Kintinu? Wuba zabikisa ndandu bala baka mu kulandakana zikhutukunu. (lff dilongi 10) Wulenda ku bakamba mambu mankinza wulongukidi mu lukutukunu ayi wubakamba mambu luala longuka mu lukutukunu lunkuiza. Wubavana bilongulu bio muala sadila mu lukutukunu. Mvandi wulenda bavana losokua lusalusu bantomba muingi babaka bu kulandikinina lukutukunu.—1 Kolinto 14:24, 25.
TALANU VIDEO SADISA MINLONGUKI MIAKU MI KIBIBILA BALANDAKANANGA ZIKHUTUKUNU, BOSI VANANU MIMVUTU MI BIUVU BINLANDA:
Luaku mbi Ana kaba muingi kutumisa Jade mu lukutukunu?
Kibila mbi tumbelanga mu mayangi bo nlonguki wu Kibibila kanlandakana lukutukunu?
“Bukiedika, Nzambi widi yinu”
Mbi Jade kamona bo kalandakana lukutukunu lutheti?