Sadisa Minlonguki Miaku mi Kibibila Kutatuka Minkangulu Mimbi

Muingi kuba nkundi wu Yave, minlonguki mi Kibibila bafueti sola minkangulu mimboti. (Minkunga 15:1, 4) Minkangulu mimboti miala basadisa kuvanga mambu mamboti.—Zingana 13:20; lff dilongi 48.

Mu thangu wunsadisa minlonguki mi Kibibila kubika minkangulu mimbi wu kitula va kibuangu kiawu. Dilenda ba diambu diphasi kuidi bawu kufika lembu kukangalanga na batu baba diatanga yawu mu nza. Monisa ti wumvuanga nkinza minlonguki mi Kibibila mu khambu kuba tomba to mu kilumbu lunkuiza longuka Kibibila. Phila wulenda vangila mawu yidi: mu kuba fila mensagem, kuba tela mu telefone, voti kue ba tala ku nzo’awu. Boti nlonguki wu Kibibila widi mu kukonzuka mu kiphevi wulenda kuntumisa bo lumviokisa thangu na zikhomba. Bawu bala mona ti badi mu kuluta baka bakundi balutidi kena bo babika mu nza. (Malako 10:29, 30) Ngie mvaku wala baka mayangi mu kumona ti kimvuka ki Yave kidi mu kubuelama.

TALANU VIDEO SADISA MINLONGUKI MIAKU MI KIBIBILA KUTATUKA MINKANGULU MIMBI, BOSI VANANU MIMVUTU MI BIUVU BINLANDA:

• Mbi bio minkangulu mimbi?—1 Kolinto 15:33

• Buidi Jade kaba yindudilanga phila zikhomba bamviokisilanga thangu?

• Buidi Ana kasadisila Jade kubika minkangulu mimbi?