Buela Pisuka Mu Kisalu Ki Kusamuna

NKINZA MBI KUVANGA MAWU: Kuvana kimbangi mu telefoni, yidi phila yinkinza yi ‘kusamunina nsamu wumboti.’ (Mavanga 20:24) Mawu matuvananga luaku lu kusamuna batu bankalanga mu zinzo tukhambulu luaku lu kukota voti batu tukhambu dengananga mu zinzo ziawu. Mvandi, matuvananga luaku lu kusamuna zitsangu zimboti, kheti bo tukhambulu buvinya bumboti voti bo thangu yisiko yimboti.

MBI WULENDA VANGA:

• 

  Kubama. Sola diambu baboso bankuiza vua nkinza. Bosi, sonika mambu wutidi kutuba. Mvandi, kubika mbonosono yikhufi muingi wubika mensagem, yinsudikisa kibila mbi betedila mutu beni na kukhambu tambudila telefoni. Buboti beni kutula va meza wunkuiza kala, bilongulu bioso wunkuiza sadila voti kuzibula mu kisengu kiaku JW Library^® ove jw.org^®.

• 

  Bika kukuazuka beni. Tubila mu phila wunkolukilanga. Yolukila mu mayangi ayi nyikuna binama bi nyitu, buka ngie widi mu kumona mutu wunkoluka yaku. Bika kuviokisa thangu yiwombo mu khambu tuba diosokua diambu. Buboti beni kuvanganga mawu ayi zikhomba zinkaka. Boti mutu wunkoluka yaku mu telefoni bevanga kiuvu, vutukila kiawu mu mbembu yinangama muingi khomba wunsala yaku ka kusalisa kubakula mvutu.

• 

  Bika kiuvu muingi wubaka bu kumvutukila. Boti mutu wunkoluka yaku bevua nkinza, mbikila kiuvu muingi wubaka bu kukolukila yandi mu kilumbu kinkaka wala bue ntela. Ngie wulenda sadila email muingi kumfila kiosokua kilongulu, zivideo, malongi ngie bevua nkinza mu bilongulu binkaka voti kukivana muingi kuntambika biawu ngie veka. Boti kuba, kamba mutu beni matedi ndongukulu yi Kibibila kalenda baka mu Khond’itu mayo Muingi kuvutukila mutu beni, wufueti landakana minsiku mi ntinu matedi keba keba batu bafueti ba mu kutambula mu zinzo ziawu mutu banzaba mu telefoni voti mu internet.