Mambu Malenda Kusadisa Kutanganga Kibibila Kadika Kilumbu

Mu kibila ki mambu mawombo wufueti vanga mu kilumbu, ngie wummonanga phasi kutanganga Kibibila kadika kilumbu? (Yosua 1:8) Boti buawu, mona mambu malenda ku kusadisa:

• Tula alarme mu telefone. Bo wuntula alarme mu telefon’aku, sonika muna thangu yi kutanga Kibibila.

• Tula Kibibila kiaku vama wumfika monanga. Ngie kutanga Kibibila mu minkanda, tula wawu vama wunkuiza fika monanga kadika kilumbu.—Deute. 11:18

• Yuwa audio yi matangu ma Kibibila. Yaya Tara widi ngudi ayi ntuami ntuala wunsalanga va builu wutuba: “Kukuwa audio yi matangu ma Kibibila mu thangu yimvanga bisalu bi nzo, ma kutsadisanga kutatamana kutanga Kibibila kadika kilumbu.”

• Bika kuvonga. Va kumonika diambu di kinzimbukila dilenda vunzikisa makani maku ma kutanga Kibibila, vanga mangolo ma kutanga kheti matangu maluelu kadika kilumbu ava kulala. Kuvanga mawu kulenda ku tusadisa beni.—1 Pet. 2:2.