Phila yi bambukilanga ziverse moyo

Wume teka mona phasi mu bambukila moyo verse yi Bibila yoyi weta zola buwombo? Yilenda ba verse yi Bibila yoyi yeta kubomba, yoyi yeta kusadisa wununga botula mayindu mambimbi voti yidi verse yoyi weta tomba ti batu bankaka bayizaba. (Nku. 119:11, 111) Tutadila mua ndambu mambu momo malenda kusadisa wubambukilanga moyo ziverse.

• Sadilanga buangu ki zinoti mu aplikasio yi JW Library^®. Va buangu beni ki zinoti, vanga buangu kioki wum’bieka mu dizina “Ziverse ziozi ndieta luta yangalala,” ayi va buangu beni vawu tulanga ziverse ziozi tidi bambukilanga moyo.

• Sonikanga ziverse ayi wuzitulanga voti kuzibanda va buangu kioki wulenda kuzimuenanga. Sonikanga mu phapi verse yoyi tidi bambukila moyo ayi wuyitudi voti wuyibandi va buangu kioki wukuiza luta kuyimuenanga mu kondo mona phasi. Bankaka bazibanda va ndambu lumueno luawu; bankaka bazibanda mu muelo wu frigo yawu. Bankaka phe bakanga verse foto ayi kuyitula va ntuala oridinatere yawu voti va ntuala telefoni kiawu.

• Sadilanga bina bitini bi ziphapi. Sonikanga kapu ayi dizina di nkanda wu verse ayi sonikanga phe ziphova zi verse beni mu mua phapi voti mu karti. Mekanga tubilanga ziverse beni mu lusadusu lu ziphova ziozi zidi muna voti bambukilanga moyo buangu kioki yidi mu sadilanga ziphova zi ziverse beni.