13 Ndaa

Brujeriá ca la? malu ni

Satanás racalaʼdxiʼ guʼnuʼ brujeriá. Stale binni ribaʼquiʼ dxinña lu bidóʼ para ca binnilídxicaʼ de dxiqué o para ca espíritu ca, ti cadi guninacaʼ laacabe. Rúnicabe ni purtiʼ ridxíbicabe poder stiʼ ca espíritu ca. Riguunácabe aníu o pacaa pulsera ni napa poder. Réʼcabe ne rixúbicabe remediu ládicabe purtiʼ nácabe nápani poder. Nuu binni rucaachiʼ xiixa ndaaniʼ lidxi o pacaa ndaaniʼ yu purtiʼ nácabe napa cani poder para gapa cani laacabe. Xcaadxi binni la? riquiiñeʼ remediu ni nácabe napa poder para gacané laacabe lu cani rutoocabe, lu exámen stiʼ scuela ne para guidxélacabe xnóbiocabe o xnóbiacabe.

Gácaluʼ xhamigu Jiobá nga ni jma galán para gapa lii de Satanás. Dios Jiobá ne ca ánjel stiʼ jma nandxóʼpecabe que Satanás ne ca demonio stiʼ (Santiago 2:19; Apocalipsis 12:9). Jiobá racalaʼdxiʼ iquiiñeʼ poder stiʼ para gacané ca xhamigu, ni ruzuubaʼ stiidxabe ne guidubi ladxidóʼ (2 Crónicas 16:9).

Stiidxaʼ Dios na: “Cadi naquiiñeʼ gúninu brujeriá”. Jiobá nanalaʼdxiʼ brujeriá purtiʼ laani zanda uguuni laanu lu ná Satanás (Levítico 19:26).