Zanda gacaneluʼ chuʼ congregación tobi si

Ora nuunu lade ca hermanu stinu runi sentirnu casi biʼniʼ sentir rey David. Laa guníʼ: «¡Laguuyaʼ pabiáʼ galán ne sicarú nga chuʼ ca hermanu tobi si!» (Salmo 133:1). Guiranu nga caquiiñeʼ gúninu stipa para ganda chuʼnu tobi si.

1. ¿Xi jma rihuinni ndaaniʼ xquidxi Dios?

Pa ñeluʼ ti reunión ndaaniʼ sti guidxi, zándaca qué ñéneluʼ idioma ni riníʼcabe; ne neca qué runibiaʼluʼ ca hermanu ca, ñuni sentirluʼ galán. ¿Xiñee yaʼ? Purtiʼ ra tiica cheluʼ, zuuyaluʼ ngueca publicación riquiiñeʼ ca Testigu para guni estudiarcaʼ Biblia. Ne laaca rúnicaʼ stipa gannaxhiisaacaʼ. Ra tiica si nabeza ca Testigu, guiracaʼ racaláʼdxicaʼ «gucaacaʼ ridxi lá Jehová, ne chuʼcaʼ tobi si ra guni adorarcaʼ laabe» (Sofonías 3:9; nota).

2. ¿Ximodo zanda gacaneluʼ chuʼ congregación tobi si?

«Lagannaxhiisaa de guidubi ladxidoʼto» (1 Pedro 1:22). ¿Ximodo zanda chinándaluʼ conseju riʼ yaʼ? Lugar de gúʼyaluʼ ra cuchee xcaadxi la? biiyaʼ ca cosa galán ni rúnicabe. Cadi guidxaagaluʼ puru si binni de xquídxiluʼ o ca ni riuulaʼdxiʼ ca cosa ni riuuláʼdxiluʼ; laaca zanda gunibiaʼluʼ binni de sti guidxi o de sti cultura. Ne biʼniʼ stipa cadi lica guiníʼ íqueluʼ gúniluʼ menu tuuxa (biindaʼ 1 Pedro 2:17).a

3. ¿Xi zanda gúniluʼ ora gápaluʼ guendanagana né sti hermanu?

Dxandíʼ, nuunu tobi si, peru cumu nácanu binni ruchee la? nuu tiru runinácabe laanu o laapenu runinanu tuuxa. Nga runi, Stiidxaʼ Dios cayabi laanu: «Laguni perdonar». Ne laaca nani: «Cásica biʼniʼ perdonar Jehová laatu, laatu laaca naquiiñeʼ gúnitu zacá» (biindaʼ Colosenses 3:13). Stale biaje huayuninanu Jehová, peru neca zacá, runi perdonarbe laanu. Nga runi, laaca ribézabe guni perdonarnu ca hermanu stinu. Pa málasi guninaluʼ tuuxa, nagueendaca biyubi modo guni chaahuiluʼ ni (biindaʼ Mateo 5:23, 24).b

GUIZÍʼDIRUNU JMA

4. Cadi gúniluʼ menu tuuxa

Racaláʼdxinu gusihuínninu nadxiinu guiráʼ hermanu stinu. Peru zándaca gaca nagana para laanu gannaxhiinu ca hermanu de sti cultura o ni qué riuulaʼdxiʼ ca cosa ni riuuláʼdxinu. ¿Xi zanda gacané laanu yaʼ? Laguundaʼ Hechos 10:34, 35 ne laiquiiñeʼ ca pregunta riʼ para güitu diidxaʼ:

• Ruyubi Jehová binni de guiráʼ guidxi para gaca Testigu stiʼ. Ra gánnaluʼ ndiʼ, ¿ximodo naquiiñeʼ gúʼyaluʼ guiráʼ clase binni?

• ¿Xi pur rúnicabe menu binni neza ra nabézaluʼ? ¿Xiñee cadi naquiiñeʼ gúniluʼ menu binni casi rúnicabe?

Laguundaʼ 2 Corintios 6:11-13 ne laiquiiñeʼ pregunta riʼ para güitu diidxaʼ:

• ¿Xi naquiiñeʼ gúniluʼ para gannaxhiiluʼ jma ca hermanu ne ca hermana?

5. Biʼniʼ perdonar de guidubi ladxidoʼloʼ ne biʼniʼ chaahuiʼ guendanagana gapaneluʼ tuuxa

Neca qué ziuu dxi guni Jehová laanu xiixa para guni perdonarnu laa, peru neca zacá runi perdonarbe laanu de guidubi ladxidoʼbe. Laguundaʼ Salmo 86:5 ne laiquiiñeʼ ca pregunta riʼ para güitu diidxaʼ:

• ¿Xi rusiidiʼ versículo riʼ laanu de modo runi perdonar Jehová?

• ¿Xi runi sentirluʼ ora gánnaluʼ modo runi perdonar Jehová? ¿Xiñee runi sentirluʼ zacá yaʼ?

• ¿Pora zándaca gaca nagana para lii gaca llevarluʼ xcaadxi?

¿Ximodo zanda chinándanu ejemplu stiʼ Jehová pa racaláʼdxinu chuʼnu tobi si né ca hermanu stinu? Laguundaʼ Proverbios 19:11 ne laiquiiñeʼ pregunta riʼ para güitu diidxaʼ:

• Ora guniná o guchiichi tuuxa lii, ¿xi zanda gúniluʼ para cadi chuʼdíndetu?

Nuu tiru laapenu runinanu tuuxa. Ora guizaaca ndiʼ, ¿xi naquiiñeʼ gúninu? Laguuyaʼ VIDEU riʼ ne laiquiiñeʼ pregunta riʼ para güitu diidxaʼ:

VIDEU: Ca ndaayaʼ ricaa binni ora gunichaahuiʼ guendanagana napané tuuxa (6:01)

• ¿Xi biʼniʼ hermana ni bihuinni lu videu riʼ para guni chaahuiʼ guendanagana gupané sti hermana?

6. Biiyaʼ ca cosa galán ni runi ca hermanu

Ra jma gunibiaʼnu ca hermanu, zadúʼyanu ca cualidad galán ni nápacaʼ peru laaca zadúʼyanu xiixa cosa ni cadi galán de laacaʼ. ¿Xi zanda gúninu para guidúʼyanu ca cosa galán ni rúnicabe yaʼ? Laguuyaʼ VIDEU riʼ ne laiquiiñeʼ pregunta riʼ para güitu diidxaʼ:

VIDEU: ¡Gácaruʼ ni jma galán! (5:10)

• ¿Xi zacané lii gúʼyaluʼ ca cosa galán ni runi ca hermanu?

Ruuyaʼ Jehová ca cualidad galán ni nápanu. Laguundaʼ 2 Crónicas 16:9a ne laiquiiñeʼ pregunta riʼ para güitu diidxaʼ:

• ¿Ximodo runi sentirluʼ ra gánnaluʼ ruuyaʼ Jehová ca cualidad galán ni nápaluʼ?

XI BIZÍʼDINU

Pa guni perdonarluʼ ca hermanu ne gannaxhiiluʼ guiracaʼ, zacaneluʼ chuʼ congregación tobi si.

Xi biziidiluʼ

• ¿Xi zacané lii cadi gúniluʼ menu tuuxa?

• ¿Xi gúniluʼ ora gapaneluʼ tuuxa hermanu guendanagana?

• ¿Ñuuláʼdxiluʼ ñuni perdonarluʼ casi runi Jehová la? ¿Xiñee yaʼ?

BIIYAʼ XIRUʼ ZANDA GUIZIIDILUʼ

Biiyaʼ xi ejemplu biquiiñeʼ Jesús ni zacané laanu cadi guni juzgarnu binni.

¡Gulee muriu nuu ndaaniʼ luluʼ! (7:01)

¿Ñee caquiiñeʼ guinábanu perdón neca cadi laanu bicheʼnu la?

«Para gaca chaahuiʼ guendanagana gapanenu tuuxa, nabé risaca guinábanu perdón» (Torre stiʼ ni rapa, 1 de noviembre de 2002)

Biiyaʼ xi huayacané caadxi binni para cadi gúnicaʼ menu xcaadxi ne guni tratárcabe laacaʼ galán.

Cadi guni juzgarnu binni pur cani ridúʼyasinu (5:06)

Biiyaʼ xi zanda gúniluʼ para gacaneluʼ chuʼ congregación tobi si ora gapaneluʼ tuuxa hermanu guendanagana.

«Guni chaahuinu ca guendanagana stinu né guendarannaxhii» (Torre stiʼ ni rapa, mayo de 2016)