Ni gudii de ni napa zacaa stale ndaayaʼ

MAʼ STALE iza naca ca sacrificiu ca tobi de ca cosa ni risaca para guni adorarnu Jiobá. Bidii ca israelita que maniʼ casi sacrificiu, ne ca xpinni Cristu runibiáʼcabe laacaʼ purtiʼ rúnicaʼ sacrificiu para gusisácacaʼ Dios. Peru nuu sti tipu sacrificiu ni laaca rusiecheʼ Dios (Heb. 13:15, 16). Cani runi sacrificiu riʼ ribánicaʼ nayecheʼ ne ricaacaʼ ndaayaʼ, casi chiguidúʼyanu né ca ejemplu riʼ.

Ana, ti israelita ni bizuubaʼ diidxaʼ, racalaʼdxiʼ gapa ti hombrehuiiniʼ, peru qué ganda gápabe xiiñibe. Lu ti oración gudxi Ana Jiobá pa gapa ti xiiñiʼ la? zudii laabe para gúnibe xhiiñaʼ Jiobá biaʼ dxi guibánibe (1 Sam. 1:10, 11). Ra gudiʼdiʼ tiempu, gucaxiiñiʼ Ana ne gupa ti hombrehuiiniʼ ni gulee lá Samuel. Guleesibe niidxi ruaa, yenebe laa ndaaniʼ tabernáculo que para guni ni ná Jiobá, casi bidii stiidxabe. Guluu Jiobá ndaayaʼ Ana pur sacrificiu ni biʼniʼ riʼ. Gúpabe xcaayuʼ xiiñibe, ne Samuel beeda gaca ti profeta ne tobi de cani bicaa Biblia (1 Sam. 2:21).

Cásica Ana ne Samuel, ca xpinni Cristu laaca nápanu oportunidad de iquiiñenu xquendanabáninu para gúninu xhiiñaʼ Dios ni bizáʼ laanu. Bidii stiidxaʼ Jesús zacaanu stale ndaayaʼ pur ca sacrificiu ni gúninu para guni adorarnu Jiobá (Mar. 10:28-30).

Guca Dorcas ti xpinni Cristu ni bibani lu primé siglu ne binibiáʼcabe laabe purtiʼ «nabé ucané be binni ne ora caquiiñe ca pobre xiixa la? rudii be laacaʼ» nga rusihuinni bíʼnibe sacrificiu pur xcaadxi. Triste guininu ni peru «beda aca huará be ne guti be», ne ca hermanu de congregación stibe nabé guyuucaʼ triste. Ora gúnnacabe nuu Pedro gaxha de raqué, gunábacabe laa cheʼ nagueenda ra nuucabe. ¡Bixuiʼlú pabiáʼ nayecheʼ guyuucabe ora bedandá Pedro ne bisibani Dorcas sti biaje! Ndiʼ nga primé biaje ruzeeteʼ Biblia gundisaʼ ti apóstol ti gueʼtuʼ (Hech. 9:36-41). Qué ñuu dxi nusiaandaʼ Dios ca sacrificiu ni biʼniʼ Dorcas (Heb. 6:10). Gucuá historia stibe lu Biblia, ne yanna riʼ zanda chinándanu ejemplu stibe.

Laaca naca apóstol Pablo ti ejemplu galán para laanu purtiʼ gúcabe ti binni ni riuuladxiʼ gudii de ni napa, bidiibe tiempu stibe ne gucanebe xcaadxi. Sicaríʼ bicaabe ra nuu ca xpinni Cristu de Corinto: «Qué ziaʼya unite irá ni napa pur laatu, dede nin xpida qué ziaʼya para ganda acaniá laatu» (2 Cor. 12:15). Pur cani gudiʼdiʼ Pablo biziidiʼ ora gúninu sacrificiu pur xcaadxi jma nayecheʼ riuʼnu ne rápanu sti cosa jma risaca: ndaayaʼ stiʼ Jiobá ne ziuuláʼdxibe ni gúninu (Hech. 20:24, 35).

Nanna dxíchinu riuulaʼdxiʼ Jiobá iquiiñenu tiempu ne stipa stinu para gúninu xhiiñaʼ Reinu ne gacanenu ca hermanu stinu. Peru ¿ñee nuuruʼ xiixa ni zanda gúninu la? Nuu pue. Cadi caquiiñeʼ si gúninu cosa galán pur xcaadxi, laaca zanda gusisácanu Jiobá ora gudiʼnu donación. Riquiiñeʼ ca donación ni rudiʼnu de guidubi ladxidoʼno para cadi guiaanadxi de gaca predicar lu guidubi Guidxilayú. Guzéʼtenu ti ejemplu, riquiiñeʼ ni para gacanécabe ca misioneru ne xcaadxi ni cayuni dxiiñaʼ de tiempu completu. Laaca riquiiñeʼ ca donación ca para gaca publicación, gaca traducir cani ne gaca videu, ne racané ni ra runiná xiixa desastre natural ne para cuiʼ jma Yoo stiʼ Reinu. Zanda chuʼnu seguru pa gudiʼnu de ni nápanu la? zacaanu ndaayaʼ. Ne laaca zusisácanu Jiobá né ca «cosa risaca» stinu (Prov. 3:9; 22:9).

Modo racané caadxi binni lu dxiiñaʼ ni raca lu guidubi naca Guidxilayú

Cásica tiempu bibani apóstol Pablo, ca dxi riʼ, stale tu ribeechú ti ndaa bueltu ne rusábacaʼ ni ndaaniʼ caja ra ná «Obra mundial» ni nuu ndaaniʼ congregación sticaʼ (1 Cor. 16:2). Guiráʼ beeu ruseendaʼ ca congregación bueltu riʼ ra Yoo Betel stiʼ ca testigu stiʼ Jiobá ni ruuyaʼ dxiiñaʼ ni rúnicaʼ. Pa naluʼ la? zanda guseendaluʼ donación stiluʼ ra nuu corporación legal stiʼ ca testigu stiʼ Jiobá ni nuu xquídxiluʼ. Para gánnaluʼ gunáʼ nga lá ni riquiiñecabe la? guníʼ ra sucursal ni ruuyaʼ dxiiñaʼ raca xquídxiluʼ. Zadxeʼluʼ dirección stícabe lu www.jw.org/es. Raríʼ zeeda caadxi modo zanda gudii binni donación stiʼ (biquiiñeʼ ca modo nuu xquídxiluʼ para guʼnuʼ ni):

CANI ZANDA GUSIGÁʼDELUʼ

Zanda cheluʼ ra bancu ne guʼnuʼ ti transferencia electrónica, o guʼnuʼ ni né tarjeta de débitu o de créditu. Nuu sucursal riquiiñeʼ sitiu jw.org o sti sitiu ni nápacaʼ lu Internet para ganda guicaacaʼ ca donación ca.
Zanda guni donarluʼ bueltu, oro ne xcaadxi cosa ni risaca stiluʼ. Biseendaʼ ti carta ra gusiéneluʼ cusigáʼdeluʼ cani.

ZANDA QUÍXHELUʼ MODO GUDIILUʼ

Raríʼ zanda quíxheluʼ guibiguetaʼ xpuéltuluʼ lu naluʼ pa iquiiñeluʼ ni.
Biseendaʼ ti carta ra gusiéneluʼ lii nga caguíxheluʼ ximodo cudiiluʼ donación stiluʼ.

XCAADXI MODO ZANDA GUDIILUʼ

Raríʼ zeeda ti lista ra cá xcaadxi modo zanda gacané binni lu xhiiñaʼ Reinu ni raca lu guidubi Guidxilayú. Pa racaláʼdxiluʼ iquiiñeluʼ tobi de laacani la? rinábadu lii guiniʼluʼ ra sucursal para gánnaluʼ pa zanda gaca ni zacá. Ndaaniʼ cada guidxi nuu gadxé gadxé ley ra cá xi naquiiñeʼ guni tuuxa ni racalaʼdxiʼ guni donar, nga runi, galán guiníʼneluʼ tuuxa ni nanna de laacani para gánnaluʼ gunáʼ nga ni jma zanda gúniluʼ.

Seguru ne plan de jubilación: Zanda gucaaluʼ lá ti corporación ni riquiiñeʼ ca testigu stiʼ Jiobá para gaca beneficiariu stiʼ ti seguru de vida, ti fondo de jubilación o ti plan de jubilación.

Cuenta de bancu: Pa gueeda gati binni ni napa xiixa cuenta ra bancu la? zanda guiaxa bueltu ca lu náʼ ti corporación ni riquiiñeʼ ca testigu stiʼ Jiobá, peru naquiiñeʼ gaca ni modo ná ley stiʼ ca bancu nuu xquídxiluʼ.

Acción ne bono: Zanda gaca donar cani para ti entidad legal ni riquiiñeʼ ca testigu stiʼ Jiobá. Laaca zanda gúniluʼ ti documentu ra gusiéneluʼ racaláʼdxiluʼ guiaanané entidad riʼ ca acción ne ca bono stiluʼ pa gueeda gátiluʼ.

Bienes raíces: Pa nápaluʼ xiixa ni zanda guidoo, casi ti layú, zanda guni donarluʼ ni ti entidad legal ni riquiiñeʼ ca testigu stiʼ Jiobá. Pa ti yoo ni ne nabézaluʼ ndaaniʼ ni la? zanda guiniʼluʼ zabézarouʼ ndaaniʼ ni biaʼ dxi nabániluʼ.

Testamentu ne fideicomisu: Zanda gusaana binni layú o bueltu para ti corporación ni riquiiñeʼ ca testigu stiʼ Jiobá, peru naquiiñeʼ guni ti notariu testamentu riʼ. Laaca zanda guiaana corporación riʼ casi beneficiariu stiʼ ti contratu de fideicomisu. Ora runi tuuxa clase contratu riʼ la? laaca racané ni laa ora maʼ chitixe impuestu.

Cani chuulaʼdxiʼ guni donar casi bisiénedu ra ná «xcaadxi modo zanda gudiiluʼ», primeru naquiiñeʼ guʼyaʼ chaahuicaʼ ximodo zanda gúnicaʼ ni. Para gacanedu cani racalaʼdxiʼ gudii xiixa para dxiiñaʼ runi ca testigu stiʼ Jiobá lu guidubi Guidxilayú la? maʼ guyáʼ ti folletuhuiiniʼ lu diidxaʼ inglés ne diidxastiá ni láʼ Donaciones planificadas para favorecer el servicio del Reino en todo el mundo. Folletu riʼ cusiene xi guiráʼ modo zanda gudii binni donación o ximodo gusigáʼdecabe xiixa. Zándaca cadi guiráʼ ni zeeda lu folletu riʼ zanda guʼnuʼ, purtiʼ gadxé ley napa cada guidxi ne gadxé impuestu ruquíxecaʼ. Pur ca tipu de donación riʼ, stale binni huayacané religión stinu ne riquiiñenu ni rudiicabe para gacanenu binni ora guizaaca xiixa ni guniná laa, casi ti xu, peru laaca maʼ qué runi cobrar gobiernu laacabe stale impuestu. Pa nuu folletu riʼ xquídxiluʼ, zanda guinábaluʼ tobi de laani secretariu stiʼ congregación ra rieluʼ.

Pa racaláʼdxiluʼ gannuʼ jma la? bidii ti clic ra ná «Racalaʼdxeʼ gudieeʼ ti donación para gaca dxiiñaʼ stinu lu guidubi Guidxilayú», ni nuu xagueteʼ de cada página stiʼ sitiu jw.org/zai, o guníʼ ra sucursal ni ruuyaʼ dxiiñaʼ raca xquídxiluʼ.