Cani chitiidiʼ lu guendaridagulisaa stiʼ dxiiñaʼ stinu

Semana 12 stiʼ enero

Diidxaʼ riuundaʼ 224

12 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu peru últimu ca cadi naquiiñeʼ guiuundaʼ. Zanda iquiiñeluʼ ni nuu lu yaza 10 stiʼ guiʼchiʼ riʼ para guluiʼluʼ ximodo zanda gusaanacabe La Atalaya 15 stiʼ enero ne ¡Despertad! 22 stiʼ enero. Bisietenalaʼdxiʼ guiráʼ cani cucaadiaga ca de que sti semana ca la? zápanu ti guendaridagulisaa ra zaninu de ni bíʼyanu lu bideu ni láʼ Necesidades y derecho del paciente. Gudxi laacabe guʼyacabeni dede ante. Despué ziuundaʼ ne ziaziʼ tarjeta Directriz médica y exoneración de responsabilidad ne carta poder (DACP).

15 min. «Guendananna stálepeʼ stiʼ Dios jma dxíʼbani qué stiʼ hombre.»a Pa nuuruʼ tiempu la? gunabaʼ cani cucaadiaga ca guiníʼcabe xiná ca textu zeeda lu libana ca.

18 min. Ca guiʼchiʼ nacubi gucuaanu ne guendanayecheʼ. Gunabadiidxaʼ ne guicabi cani cucaadiaga. Lu Guendaridagulisaa de Chonna Gubidxa «Uguunu naróʼ stiʼ Dios» gucuaanu ne guendanayecheʼ ti libru ne ti guiʼchiʼ cubi. Qué huayápadinu ti guiʼchiʼ casi Veamos «la buena tierra». Cada ndaa stini la? lu chupa yaza ca zuuyuʼ modo cusiéneni laanu ximodo guca Layú ni Bizabiruaa Dios gudii ca israelita que. Biluíʼ xiixa ni napa ca mapa ca. Guníʼ ximodo zanda iquiiñecabe ni. Libru Aprendamos del Gran Maestro zacaneni ca xiiñinu gannaxhiicaʼ jma Jiobá. Bizeeteʼ xiixa ni caníʼ libru ca ni zanda gacané bixhoze binni ne xiiñiʼ. Gunabadiidxaʼ cani cucaadiaga ca ximodo caquiiñecabe libru riʼ.

Diidxaʼ riuundaʼ 186 ne orasión guiluxeneni.

Semana 19 stiʼ enero

Diidxaʼ riuundaʼ 200

5 min. Cani chiguieeteʼ stiʼ binni ridagulisaa.

17 min. «Ti bideu ni rusihuinni pabiáʼ ndiʼ risaca ni racalaʼdxiʼ ca doctor ca gúnicaʼ yanna». Gudii ti binnigola ni zanda gúnini. Biindaʼ Hechos 15:28, 29 ne guníʼ de que ca xpinni Cristu qué rinácabe icácabe rini purtiʼ zacá rusihuínnicabe cayúnicabe ni na ley stiʼ Dios de gusisácacabe rini. Óraque bizulú gunabadiidxaʼ de ni biiyacabe lu bideu Necesidades y derechos del paciente, biquiiñeʼ ca guendarinabadiidxaʼ ni zeeda lu guiʼchiʼ riʼ. Biindaʼ últimu párrafo ca para guiluʼxuʼ.

23 min. Gudxiilunu sin guidxíbinu ora málasi gaca internarnu ndaaniʼ ti hospital. Libana gudii ti binnigola ni zanda gúnini. Biquiiñeʼ bosqueju ni biseendaʼ Betel. Ne biindané cani cucaadiaga ca últimu ni rieeteʼ stiʼ yaza 9.

Diidxaʼ riuundaʼ 182 ne orasión guiluxeneni.

Semana 26 stiʼ enero

Diidxaʼ riuundaʼ 158

10 min. Cani chiguieeteʼ stiʼ binni ridagulisaa. Pagala nuu. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu enero. Biluíʼ chupa modo zanda iquiiñecabe cani cá lu yaza 10 stiʼ guiʼchiʼ riʼ: tobi ca ne La Atalaya 1 stiʼ febrero, ne stobi ca ne ¡Despertad! 8 stiʼ febrero. Lu guirópani zudiicabe guiropaʼ rebista ca, peru tobi si nga jma guiníʼcabe. Tobi de cani chitiidiʼ ca la? zudiibe ca rebista riʼ ti xpesínube.

15 min. «Ximodo zanda gacanenu xheelaʼ ca bíchinu o bizánanu ni cadi Testigu.»b Gunabadiidxaʼ tobi o chupa bíchinu (o bizánanu) ni gúcaca Testigu purtiʼ biiyacaʼ galán xpiaʼ xheelacaʼ ni naca Testigu.

20 min. «Gucheechenu diidxaʼ ra nuu ca binni ni qué riníʼ stiidxanu.»* Biindaʼ ca párrafo ni maca guliluʼ dede ante. Naquiiñeʼ gánnacabe de que ni jma caquiiñeʼ nga guiziidicabe ca diidxaʼ stiʼ guidxi Méjicu que guiziidicabe diidxaʼ stiʼ sti guidxi. Biyúbi ca textu ca biaʼ ganda gudii tiempu.

Diidxaʼ riuundaʼ 177 ne orasión guiluxeneni.

Semana 2 stiʼ febrero

Diidxaʼ riuundaʼ 204

8 min. Cani chiguieeteʼ stiʼ binni ridagulisaa. Bizeeteʼ ca guiʼchiʼ ni chigusaananenu binni beeu febrero. Bibiguetaʼ biindaʼ ximodo zanda gusaananu libru Acerquémonos a Jehová ni zeeda lu yaza 9 stiʼ Xhiiñaʼ Reinu ni Rúninu stiʼ enero 2003.

15 min. «Guyachaahuinu ximodo caquiiñenu xtiémpunu.»* Gunabaʼ cani cucaadiaga guiniʼcaʼ xi rúnicaʼ para gápacaʼ tiempu gúnicaʼ ni na Jiobá ne cadi guníticaʼ xtiémpucaʼ lu xiixa ni qué risaca.

12 min. Gúninu modo biʼniʼ Pablu casi laabe bíʼnibe modo biʼniʼ Cristu (1 Cor. 11:1). Gunabadiidxaʼ ne guicabi cani cucaadiaga. Cásica Jesús, Pablu qué nunítidiʼ tiempu, guníʼnebe «tutiica idxaaga be» (Hech. 17:17). Paraa zanda gúninu zacaca yaʼ. Ora chisinu, ora nuunu ra dxiiñaʼ o ra scuela ne ora ziuunu ndaaniʼ carru, tu zanda guiníʼnenu racá yaʼ. Tu laa zanda guiníʼnenu ora nuunu ralídxinu yaʼ. Gunabadiidxaʼ cani cucaadiaga guiniʼcaʼ xi huazaacacaʼ ora riniʼcaʼ de stiidxaʼ Dios ne ca binni ni ridxaagacaʼ.

10 min. Ndaa ra rinabadiidxaʼ. Biindané cani cucaadiaga ca libana zeeda lu riʼ. Pa ca binni ridagulisaa ca rucheechecabe diidxaʼ neza ra nuu binni ni riníʼ sti diidxaʼ, ca binnigola ca nga guiniʼcaʼ pa naquiiñeʼ chinándacabe ni ná Nuestro Ministerio del Reino enero stiʼ 2003, «Sección de Preguntas».

Diidxaʼ riuundaʼ 151 ne orasión guiluxeneni.

[Ni cá ñee yaza]