¡Cadi guiaandaʼ gudiiluʼ ni!
1 Cayúʼndanenu jma de 600.000 binni de Biblia ndaaniʼ guidxi Méjicu ne jma de 2.300 ndaaniʼ guidxi Belise. Ndiʼ rusihuinni de que zadale jma binni ni gusisaca Jiobá. Xi zanda gúniluʼ para ganda gacané ca binnigola cani cayúʼndaneluʼ de Biblia yaʼ. Zanda gúʼnuni ra gudiiluʼ guiʼchiʼ ni láʼ Informe de estudio (S-3-S), pur cada binni ni biindaneluʼ ora guiluxe beeu. Idúʼyanu ximodo zanda gacané guíʼchihuiiniʼ riʼ cani caziidiʼ ti iniisicaʼ lu stiidxaʼ Dios ne idaagucaʼ laanu para guni adorarnu Jiobá (Sal. 66:8, 16).
2 Nécapeʼ riusíʼdinu tuuxa guiráʼ semana la? ti biaje si lu ti beeu nga rucaʼnu de que rúʼndanenu laabe de Biblia. Nga runi, ora gudiʼnu guiʼchiʼ ni láʼ Informe del servicio del campo ca la? laaca riquiiñeʼ gudiʼnu sti guiʼchiʼ ni láʼ Informe de estudio pur cada binni ni rúʼndanenu. Luni zacá tu labe, paneza ra lídxibe, padxí ne pora rúʼndanenu laabe, xi cayúʼndanenu laabe, panda biaje bíninu ni ne xi ruuyanu de laabe. Riquiiñeʼ nga gucaʼnu guiráʼ cani jneza. Ne pa maʼ qué zúʼndanenu tuuxa la? riquiiñeʼ gudiʼnu guiʼchiʼ Informe de estudio ne gucaʼnu xiñee.
3 Secretariu ca zaguchaahuibe cani biaʼ chupa beeu ne zuuyanebe cani binnigola ni rusiidiʼ ra riuundaʼ libru (superintendente de estudio de libro). Guiráʼ ca ndiʼ la? zaquiiñeʼ cani binnigola ca, purtiʼ ne ni cá lú cani ca zanda gacanebe ne uguube gana cani rucheeche diidxaʼ ni ruundanecaʼ binni. Ne laaca zaquiiñebe cani para ganda gunibiaʼbe cani cayuundaʼ Biblia ne zaguube gana laacaʼ checaʼ ra ridagulisaa Grupuhuiiniʼ ni Ruundaʼ Libru stiʼ ca Binni Ridagulisaa (Estudio de Libro de Congregación). Laabe zanda chinebe cani rucheeche diidxaʼ ti chigánnacabe cani caziidiʼ para gacanécabe laacaʼ iniisicaʼ lu stiidxaʼ Dios.
4 Binnigola ni ruuyaʼ modo rireeche diidxaʼ ca (superintendente de servicio), laaca zaquiiñebe cani cá lu Informe de estudio para uguube gana ne gábibe laacaʼ xi naquiiñeʼ gúnicaʼ cada chigánnabe Grupuhuiiniʼ ni Ruundaʼ Libru stiʼ ca Binni Ridagulisaa. Ne binnigola ni riganna ca binni ridagulisaa (superintendente de circuito) ca la? zuuyabe ca guiʼchiʼ riʼ ora chebe ra nuucaʼ, ne zaquiiñebe cani ti uguube gana cani rucheeche diidxaʼ ne cani caziidiʼ de Biblia para uquídxibe fe sticaʼ (Rom. 1:12).
5 Laanu, ca xpinni Dios la? nabé nuunu gacanenu binni guni adorar Jiobá ne racaláʼdxinu iquiiñenu guiráʼ modo para ganda gacanenu ne uguunu gana cani cayuundaʼ Biblia ti iziidicaʼ ni dxandíʼ de Dios (Gal. 6:10). Guiʼchiʼ Informe de estudio ca zanda iquiiñeʼ ni, para ganda gacané xcaadxi iniisicabe lu stiidxaʼ Dios. Pur nga la? ¡cadi guiaandaʼ gudiiluʼ ni!