Cani chitiidiʼ lu guendaridagulisaa stiʼ dxiiñaʼ stinu

Semana 14 stiʼ marzo

Diidxaʼ riuundaʼ 132

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Gudxi cani cucaadiaga ca gúʼyacaʼ videu David confió en Dios, ziuundaʼ ni lu Guendaridagulisaa stiʼ Dxiiñaʼ Stinu semana 4 stiʼ abril. Bitiidiʼ chupa modo zanda usaanacabe revista casi zeeda lu yaza 4 (pa zanda iquiiñeʼ cani neza ra rucheechetu diidxaʼ): tobi ne La Atalaya 15 stiʼ marzo ne stobi ne ¡Despertad! 22 stiʼ marzo, o zanda gúnitu cani xcaadxi modo ganda iquiiñetu. Tobi de laani aca casi ora zigánnacabe tuuxa ni maca risaanacabe revista ra nuu. Ora iluxe tobi de laacani la? iquiiñebe últimu yaza stiʼ La Atalaya 15 stiʼ marzo para usietenaláʼdxibe binni caníʼnebe ca maʼ cadxiña dxi guieteláʼdxinu guendaguti stiʼ Jesús.

20 min. «Jma zaquiiñeʼ Biblia.»a

15 min. Tobi de cani rudii stipa laanu. Ca diidxaʼ uzuluneluʼ cadi indaa diʼ cani nin ti minutu, de racá biindané cani cucaadiaga caadxi de ni zeeda lu Anuario 2005 ne bizeeteʼ cani jma risaca ni zeeda lu «Carta stiʼ Grupu ni Zániruʼ». Ora iníʼ íquenu ca endaridxagayaa ni cayuni Jiobá yanna la? ruchiña cani laanu jma gaxha de laabe ne de ca bíchinu ne ca bizánanu (Sal. 77:12-14). Rudiini stipa laanu ti uzuhuaʼ dxiichinu lu ni runi crenu ne ganda ucaalunu Binidxabaʼ (1 Ped. 5:8, 9). Laaca racaneni cani nacubi chuláʼdxicaʼ xquidxi Jiobá jma. Unabaʼ cani cucaadiaga iniʼcaʼ xii nga ni jma biuláʼdxicaʼ lu Anuario 2005. Dede ante uniʼné tobi o chupa ni rucheeche diidxaʼ ti iniʼcaʼ ximodo naguíxhecaʼ gúʼndacaʼ Anuario ca.

Diidxaʼ riuundaʼ 137 ne oración iluxeneni.

Semana 21 stiʼ marzo

Diidxaʼ riuundaʼ 140

10 min. Cani chiguieeteʼ stiʼ binni ridagulisaa.

15 min. «Gúʼndanenu binni modo ganda iniisi jma lu Stiidxaʼ Dios (6 ndaa).»b Bitiidiʼ tobi ni cayuundaʼ Biblia inabadiidxabe ni cayuundané laabe xiñee huaxiéʼ tu ro pan ne reʼ vinu ra bietenaláʼdxinu guendaguti stiʼ Jesús. Ni rucheeche diidxaʼ ca gabi laabe galanpeʼ nga ni unabadiidxabe, ucaabe ni ne gábibe laa zacábibe ni iluxe guʼndasicabe biaʼ ra naguíxhecabe gúʼndacabe semana ca. Iluxesicabe la? ni rucheeche diidxaʼ ca uluíʼ laabe ra na «¿Quiénes participan del pan y del vino?» ni zeeda lu ca yaza 84 ne 85 stiʼ libru Razonamiento. Guʼndasicabe ni na ni la? ni caziidiʼ ca udiibe xquíxepeʼ ni rucheeche diidxaʼ ca pur bisiene ni laabe.

20 min. Xii nga Armagedón. Ca diidxaʼ uzuluneluʼ cadi indaa diʼ cani nin ti minutu, de racá biindané cani cucaadiaga ni zeeda lu ca yaza 41 dede 46 stiʼ libru Razonamiento, unabadiidxaʼ ne icábicabe. Unabaʼ cani cucaadiaga iniʼcaʼ cani canabadiidxani, cani cá ne letra yaaseʼ huiiniʼ ne iquiiñecabe iráʼ ca textu ni zeeda luni ora icábicabe. Bisiene ximodo zanda iquiiñeʼ ni ora chigucheechenu diidxaʼ.

Diidxaʼ riuundaʼ 109 ne oración iluxeneni.

Semana 28 stiʼ marzo

Diidxaʼ riuundaʼ 144

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu rudiicabe. Bisietenalaʼdxiʼ laacabe gúʼyacabe videu David confió en Dios, purtiʼ chiguiuundaʼ ni sti semana ca lu Guendaridagulisaa stiʼ Dxiiñaʼ Stinu. Gudxi laacabe guni invitárcabe binni ni riulaʼdxiʼ iziidiʼ ti chigucaadiágacaʼ libana ni bibí para tiidiʼ 10 stiʼ abril. Bizeeteʼ xi zusaananenu binni beeu abril ne mayo.

15 min. Ni caquiiñeʼ binni ridagulisaa.

20 min. Ximodo zanda usaananu revista La Atalaya ne ¡Despertad! Bizeeteʼ ximodo zanda usaananu stale revista casi cá lu yaza 8 stiʼ Xhiiñaʼ Reinu ni Rúninu stiʼ beeu febrero 2005. Uníʼ cani jma galán zeeda lu ca revista ni jma nacubi. Bitiidiʼ chupa modo zanda ácani casi zeeda lu yaza 4 (pa zanda iquiiñeʼ cani neza ra rucheechetu diidxaʼ): tobi ne La Atalaya 1 stiʼ abril ne stobi ne ¡Despertad! 8 stiʼ abril, o zanda gúnitu cani xcaadxi modo ganda iquiiñetu. Lu iropa ni tiidiʼ ca, cani rucheeche diidxaʼ ca usiénecabe paraa reeda bueltu ni riquiiñeʼ para dxiiñaʼ ni rúninu lu idubi Guidxilayú (biiyaʼ yaza 2 stiʼ La Atalaya o yaza 5 stiʼ ¡Despertad!).

Diidxaʼ riuundaʼ 116 ne oración iluxeneni.

Semana 4 stiʼ abril

Diidxaʼ riuundaʼ 119

5 min. Cani chiguieeteʼ stiʼ binni ridagulisaa.

15 min. Laganaxhiisaa (Juan 13:35). Libana ni udii ti binnigola, zeedani lu La Atalaya 1 stiʼ febrero 2003, ca yaza 15 dede 18, ca párrafo 10 dede 21. Casi ra na xi zusaananenu binni beeu abril ne mayo, cayábicabe laanu uzulú gúʼndanenu ca binni ni maʼ biindaʼ libru Conocimiento ne folletu Xi canabaʼ Dios lii guʼnuʼ. Uníʼ ximodo zanda acané cani rucheeche diidxaʼ ca binnigola para ganda acanécabe cani cadi naguidxi nuu fe sticaʼ.

25 min. «Ti videu ni qué ziuu dxi guiaandaʼ ni cusiidiʼ.» Biindaʼ ne bisiene ni na Salmo 91:2 ne 31:14 sin indaaluʼ. De racá unabadiidxaʼ laacabe ni cá lu iropa párrafo ni caníʼ de videu David confió en Dios, ne zaqueca unabadiidxaʼ ni zeeda lu guionna párrafo ca. Despué unabadiidxaʼ ca familia ca iniʼcaʼ xi uleenducaʼ ora bíʼnicaʼ ni zeeda ra na «Actividades» lu DVD ca. Biindaʼ Salmo 56:11 para ilúxeluʼ.

Diidxaʼ riuundaʼ 36 ne oración iluxeneni.

[Ni cá ñee yaza]