Jma zaquiiñeʼ Biblia
1. Primé que, tu para biree revista The Watchtower. Ne tu para biree The Golden Age.
1 Iza 1919, 1 stiʼ octubre biree primé revista The Golden Age (Tiempu jma galán), bireeni diidxastiá iza 1932 ne biree lani Luz y Verdad (Biaaniʼ ne Dxandíʼ). Revista riʼ nabé biquiiñeʼ ni para ireeche diidxaʼ. Purtiʼ úcapeʼ ni para iráʼ clase binni, peru revista The Watchtower (yanna lani La Atalaya diidxastiá), úcapeʼ ni para grupu huiiniʼ de dendxuʼ (rebaño pequeño) (Luc. 12:32). Cani rucheeche diidxaʼ nabé biéchecaʼ ora ucuaacaʼ revista The Golden Age, ne pur stale iza jma stale ni uca que revista The Watchtower.
2. Ximodo láʼ The Golden Age yanna, ne xi pur bizulú bireeni.
2 Revista The Golden Age bireeni para uluiʼni de que dxandíʼ zaree ca endanagana ni cadiʼdiʼ binni lu Guidxilayú riʼ Dxi Guni Mandar Cristu pur Ti Mil Iza, ne dxi ca nga zuzulú ca dxi jma galán para iráʼ xixé binni. Peru, xcaadxi iza despué maʼ bidxaa caadxi luni purtiʼ ra zidiʼdiʼ ca iza ca laaca bichaa modo nabani binni. Lu iza 1938 biree lani diidxastiá Consolación (Ni riguixhedxí ladxidóʼ binni), ne iza 1947 biree lani ¡Despertad!, ne zacá lani dede yanna.
3. ¡Despertad! huayacané aca ni na ti textu ni zeeda lu Biblia, xi textu ni.
3 Dede dxi bizulú biree revista riʼ, nabé huayacaneni lu guendarireeche diidxaʼ ni maca cayaca dede iza 1919 (Mat. 24:14). Peru, cumu mayaca idxiña dxi initilú ca cosa malu nuu yanna riʼ la? laaca maʼ caquiiñeʼ idxaa caadxi lu revista ¡Despertad! riʼ.
4. 1) Xi naquiiñeʼ guni binni ti ilá «dxi guidxiichi Jiobá». 2) Casi na Apocalipsis 14:6, 7, xi canabaʼ «ángel zipapa galahui ibáʼ» guni iráʼ binni.
4 Stálepeʼ binni nabé riulaʼdxiʼ guʼndaʼ ¡Despertad!, purtiʼ reeda stale tema luni. Zándaca stale de cani rié ora rietenaláʼdxinu guendaguti stiʼ Jesús nabé ruundacaʼ revista ca. Peru cani racalaʼdxiʼ ilá «dxi guidxiichi Jiobá» la? qué zanda diʼ guʼndasicabe ca revista ca ne ca libru ca, naquiiñeruʼ gúnicabe sti cosa (Sof. 2:3; Apo. 14:6, 7).
5. 1) Xi jma zuzeeteʼ ¡Despertad! dede ora uzulú enero 2006. 2) Xi zándaca ucaani binni guni, ne xi textu nga cayaca ni na.
5 Nga runi, dede enero 2006, ¡Despertad! jma zuzeeteni de Reinu stiʼ Dios. Zucaani binni uyubi ndaaniʼ Biblia ximodo udxiilú ca endanagana stiʼ, ne laaca nabé zuzeeteni ximodo cusiene Biblia cani cayaca yanna riʼ. Zacá jma ziene binni ni ruundaʼ revista riʼ iráʼ ni cayaca yanna ne zándaca ucaani laacabe chuláʼdxicabe iziidicabe jma de Jiobá (Zac. 8:23).
6, 7. 1) Ximodo zacané ¡Despertad! stale binni ti aca casi na 1 Tesalonicenses 2:13. 2) Cada pabiáʼ chiguiree ¡Despertad!, ne lu panda diidxaʼ chiguidxaani yanna.
6 Lu ¡Despertad! zeedaruʼ tema ni riulaʼdxiʼ stale binni. Peru jma zuzeeteni de Biblia (1 Tes. 2:13). Cumu La Atalaya cusiéneni stale cosa ni nagana zeeda lu Biblia ne ¡Despertad! laaca zaniʼni jma de Biblia la? maʼ cadi naquiiñeʼ diʼ ireeni cada quincena. Nga runi, dede enero 2006, maʼ cada beeu zaree ¡Despertad!, zacá maʼ qué zunipécabe iráʼ dxiiñaʼ ni raca para uyúbicabe ni icá luni, ibíʼxhini xcaadxi diidxaʼ ne para cheʼ cani sti guidxi.
7 Lu 40% o biaʼ 35 de ca diidxaʼ ra riree ¡Despertad! zadxaani casi maʼ bieeteʼ ca. Purtiʼ lu stale diidxaʼ maʼ careeni cada beeu o cada chonna beeu. Lu revista La Atalaya qué zadxaa diʼ gastiʼ.
8. Ximodo zanda usaanané cani rucheeche diidxaʼ binni revista ¡Despertad! ne ti revista La Atalaya.
8 Cani rucheeche diidxaʼ zanda usaananécabe binni ¡Despertad! ni chiguiree cada beeu ne zanda usaanacabe ni ne ti revista La Atalaya ni riree cada quincena. Cumu maʼ ti ¡Despertad! si chiguiree cada beeu la? maʼ cadi naquiiñeʼ diʼ uchaacabe ni iniʼnécabe binni galaa beeu casi rácani yanna.
9. Ximódoruʼ zacané revista ¡Despertad!
9 Dede iza 1919, dxi biree primé revista ni nabé runibiáʼ binni casi The Golden Age, Luz y Verdad, Consolación ne casi lani yanna ¡Despertad! la? nabé huayacaneni lu endarireeche diidxaʼ. Rinábadu Jiobá cadi usaana de uguu ndaayaʼ revista riʼ neca huadxaani, ne acaneni binni de «irá ladu ne de irá guidxi ne irá idioma» uyúbicabe Reinu stiʼ Dios purtiʼ laasini nga ni zanda acané laanu (Apo. 7:9).