Cani chitiidiʼ lu guendaridagulisaa stiʼ dxiiñaʼ stinu

Semana 11 stiʼ diciembre

Diidxaʼ riuundaʼ 174

15 min. Cani chiguieeteʼ stiʼ binni ridagulisaa. Bitiidiʼ chupa modo zanda gusaanatu revista, tobi ca ne La Atalaya 15 stiʼ diciembre ne stobi ne ¡Despertad! stiʼ diciembre. Ne zanda iquiiñetu cani zeeda lu yaza 8 stiʼ Xhiiñaʼ Reinu riʼ o xcaadxi modo zanda gúnitu ni neza ra rucheechetu diidxaʼ. Lu tobi de laacani guihuinni ximodo guicábicabe ora guiníʼ binni «Qué racaladxediáʼ gastiʼ» (zeedani lu libru Razonamiento, yaza 16). Biindaʼ cuadru ra na: «Biquiiñeʼ tiempu stiluʼ ne guendabiaaniʼ lu beeu Diciembre» ne bizeeteʼ xi cá ique ca binni ridagulisaa gúnicaʼ beeu ca.

15 min. Scuela Stiʼ Cani Rucheeche Diidxaʼ 2007. Gudii binnigola ni rutiidiʼ scuela libana riʼ ne gutiidibe chupa o chonna ni rucheeche diidxaʼ para guinabadiidxabe laacaʼ. Bizeeteʼ ni caquiiñeʼ guni ca binni ridagulisaa ni zeeda lu ni rizaané Xhiiñaʼ Reinu ni Rúninu stiʼ octubre 2006. Bisiene maʼ cadi naquiiñeʼ guiníʼ binnigola ni rutiidiʼ scuela ca paraa chiguni ti bíʼchinu o ti bizáʼnanu dxiiñaʼ ora maʼ chigudii ti libana. Lu iza 2007 ziuundaʼ dede capítulo 24 stiʼ Isaías hasta ra guiluxe Malaquías. Nga runi, cásica cani chigudii libana ni bibí ra biuundaʼ Biblia ne zaqueca cani guicabi lu libana ca la? zanda iquiiñecaʼ ca libru ne ca revista ni cusiene jma de laacani. Bitiidiʼ chupa o chonna de cani rucheeche diidxaʼ para guiniʼcaʼ ximodo huayacané Scuela ca laacaʼ para gucheechecaʼ diidxa ne para guiniisicaʼ jma lu Stiidxaʼ Dios. Zanda tiidiʼ tobi ni deruʼ cadiʼdiʼ lu Scuela ca, stobi ni nahuiiniʼ ni caguu gana ne stobi ni maca ridiʼdiʼ lu Scuela ca. Gudxi laacabe galán nga gudiicabe libana stícabe, guicábicabe ora tiidiʼ cani bibí ra biuundaʼ Biblia ne gúnicabe ni na ca conseju ni ricaacabe lu libru Benefíciese de la Escuela del Ministerio Teocrático.

15 min. «Cadi gusaananu de gannaxhiinu Dios casi dxi binibiaʼnu laa»a Pa gudii tiempu la? gunabaʼ cani cucaadiaga guiniʼcaʼ ca textu zeeda luni.

Diidxaʼ riuundaʼ 193 ne oración guiluxeneni.

Semana 18 stiʼ diciembre

Diidxaʼ riuundaʼ 150

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Guníʼ ximodo naguíxhetu gucheechetu diidxaʼ 25 stiʼ diciembre ne 1 stiʼ enero.

15 min. «Bibiguetaʼ ra nuu cani ruluíʼ napa gana guiziidiʼ.»b Gunabaʼ cani cucaadiaga guiniʼcaʼ ximodo gúnnacaʼ paraa lidxi ca binni ni huaníʼnecaʼ lu calle o ni huaníʼnecaʼ sti lugar. Ne guiniʼcaʼ xi bizaaca ora bibiguétacaʼ yegánnacaʼ binni. Dede ante zanda guyúbiluʼ tobi o chupa tu guicabi.

20 min. Ca binni ni cayúʼndanenu, ñee caniisicabe lu Stiidxaʼ Dios la? Libana ni ne zanda guicabi cani cucaadiaga. Zeedani lu Xhiiñaʼ Reinu ni Rúninu stiʼ septiembre 2005 ra na: «Gúʼndanenu binni modo ganda iniisi jma lu Stiidxaʼ Dios». Lu tema riʼ zeeda guiráʼ modo zanda gúʼndanenu binni. Bizulú bireeni lu beeu Julio stiʼ 2004. Cani cucaadiaga naquiiñeʼ guiniʼcaʼ ximodo huayúnicaʼ para chinándacani. Gunabadiidxaʼ tobi o chupa ni rucheeche diidxaʼ ni huayacané binni guidxiña ndaaniʼ xquidxi Dios. Guluu gana cani cucaadiaga para iquiiñecaʼ guiráʼ tema ni zeeda guiníʼ de laani lu ca Xhiiñaʼ Reinu riʼ.

Diidxaʼ riuundaʼ 108 ne oración guiluxeneni.

Semana 25 stiʼ diciembre

Diidxaʼ riuundaʼ 210

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu ne ni ruseendaʼ Betel de laani. Biquiiñeʼ cani zeeda lu yaza 8 o xcaadxi modo ganda iquiiñeʼ neza ra rucheechetu diidxaʼ para gutiidiluʼ chupa modo zanda gusaananu revista, tobi ne La Atalaya 1 stiʼ enero ne stobi ne ¡Despertad! stiʼ enero. Ora guiluxe cada tobi de laacani ni rucheeche diidxaʼ ca guinabadiidxabe xiixa para guicábibe ne libru Xipeʼ ndiʼ cusiidiʼ Biblia ora guibiguetaʼ chigánnabe binni.

15 min. Ni caquiiñeʼ binni ridagulisaa.

20 min. «Ñee nápaluʼ ti lugar ra gucheecheluʼ diidxaʼ lii si la?» Gunabadiidxaʼ binnigola ni ruuyaʼ ximodo guireeche diidxaʼ panda lugar nápatu para gucheechetu diidxaʼ, pabiáʼ tiempu runduuxetu ni ne pa nuu xiixa lugar ni zanda guicaa tuuxa para gucheeche diidxaʼ laasi.

Diidxaʼ riuundaʼ 219 ne oración guiluxeneni.

Semana 1 stiʼ enero

Diidxaʼ riuundaʼ 158

5 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu diciembre.

25 min. «Ximodo nánnanu pabiáʼ caniisi dxiiñaʼ de guendarucheeche diidxaʼ.» Libana ni ne zanda guicabi cani cucaadiaga. Zeedani lu ni rizaané Xhiiñaʼ Reinu riʼ. Bizulú biindaʼ dede ra na «Ximodo nánnanu pabiáʼ caniisi dxiiñaʼ de guendarucheeche diidxaʼ» dede ra guiluxe guiʼchiʼ ca.

15 min. Laguundaʼ carta ni biseendaʼ Betel. Bizeeteʼ caree caadxi binni Betel para chigucheeche diidxaʼ ne bizeeteʼ xi cayaca para cadi guiniti stale bueltu ne tiempu. Ñee zanda iquiiñeʼ ca neza binni ridagulisaa bueltu sticaʼ jneza ne zaqueca cada tobi de laanu la? Ñee naguixhe íqueluʼ ugaandaluʼ xiixa dxiiñaʼ ndaaniʼ xquidxi Dios la? Biindané cani cucaadiaga libru Organizados para hacer la voluntad de Jehová, yaza 90 ne 117 dede 119. Gudxi laacabe gacanécabe ca binni ni guyuu Betel ni yendá ra nuucabe, ca precursor de ruta, ca binnigola ni riganna binni ridagulisaa ne xcaadxi ni zaniruʼ lu guendarucheeche diidxaʼ. Ne laaca bizeeteʼ galán quixe íquecabe gunirucabe dxiiñaʼ ndaaniʼ xquidxi Dios ne ca binni ni ridagulisaanécabe o stúbicabe.

Diidxaʼ riuundaʼ 65 ne oración guiluxeneni.

[Ni cá ñee yaza]