Cani chitiidiʼ lu guendaridagulisaa stiʼ dxiiñaʼ stinu

Semana 8 stiʼ enero

Diidxaʼ riuundaʼ 12

10 min. Cani chiguieeteʼ stiʼ binni ridagulisaa. Gudxi guirácabe gúʼyacabe videu La negativa a la sangre. La medicina acepta el reto ti gánnacabe xi chiguiuundaʼ lu Guendaridagulisaa stiʼ Dxiiñaʼ Stinu semana 22 stiʼ enero. Bitiidiʼ chupa modo zanda gusaanatu revista, tobi ne Torre stiʼ ni Rapa stiʼ enero ni cá primé lu Xhiiñaʼ Reinu ne stobi ca ne ¡Despertad! stiʼ enero. Zanda iquiiñetu cani zeeda lu yaza 12 stiʼ Xhiiñaʼ Reinu riʼ o xcaadxi modo zanda gúnitu ni neza ra rucheechetu diidxaʼ. Lu tobi de laacani guluíʼcabe ximodo zanda guicábinu ora chuʼ tu gabi laanu «Nuu xhiiñaʼ» (biiyaʼ libru Razonamiento, yaza 19 ne 20).

15 min. Zacaanu stale ndaayaʼ pa guidúʼndanu Stiidxaʼ Dios guiráʼ dxi. Libana ni ne zanda guicabi cani cucaadiaga ne zeedani lu folletu Examinando las Escrituras diariamente 2007, iquiiñeʼ ca primé yaza stini. Bizeeteʼ xiñee galán cueenu ti tiempu huiiniʼ guiráʼ dxi para guidúʼndanu textu stini ne ni cayeeteʼ de laani. Zanda gábiluʼ dede ante tobi o chupa de cani rucheeche diidxaʼ guiniʼcaʼ pora ruundacaʼ folletu ca ne xi huabeenducaʼ pur rúnicaʼ ni. Maʼ para guilúxeluʼ bisiene textu stiʼ iza 2007.

20 min. Guinínenu guiráʼ binni de Stiidxaʼ Dios. Libana ni ne zanda guicabi cani cucaadiaga. Zeedani lu ni rizaané Xhiiñaʼ Reinu riʼ.

Diidxaʼ riuundaʼ 165 ne guiluxeneni oración.

Semana 15 stiʼ enero

Diidxaʼ riuundaʼ 93

12 min. Cani chiguieeteʼ stiʼ binni ridagulisaa. Bizeeteʼ cani zeeda lu ndaa ra na «Cusíʼdidu binni guʼndaʼ ne gucaa». Guníʼ xi cayuni ca binni ridagulisaa ra rieluʼ.

15 min. Xi naquiiñeʼ gucaa lii gudiiluʼ lii Jiobá. Biquiiñeʼ libru Xipeʼ ndiʼ cusiidiʼ Biblia yaza 179-183, párrafo 17-25 para cueeluʼ libana stiluʼ. Laaca zanda gúʼyaluʼ ni zeeda lu La Atalaya 1 stiʼ abril 2002, yaza 13 dede 15.

18 min. «Qué racaladxediáʼ gastiʼ.»a Ora chindaluʼ lu párrafo 4, gunabadiidxaʼ cani cucaadiaga guiniʼcaʼ xi riuulaʼdxiʼ ca binni ni nabeza neza ra rucheechetu diidxaʼ gánnacaʼ. Bitiidiʼ chupa modo zanda guni cani rucheeche diidxaʼ ora gabi tuuxa laacaʼ «Qué racaladxediáʼ gastiʼ» (zeedani lu libru Razonamiento, yaza 16)

Diidxaʼ riuundaʼ 135 ne guiluxeneni oración.

Semana 22 stiʼ enero

Diidxaʼ riuundaʼ 224

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne biindaʼ ca recibu stiʼ bueltu ni bidiitu. Bitiidiʼ chupa modo zanda gusaanatu revista, tobi ca ne Torre stiʼ ni rapa stiʼ enero ni cá lu guionna stiʼ Xhiiñaʼ Reinu riʼ ne stobi ca ne ¡Despertad! stiʼ febrero. Zanda iquiiñetu cani zeeda lu yaza 12 stiʼ Xhiiñaʼ Reinu riʼ o xcaadxi modo zanda gúnitu ni neza ra rucheechetu diidxaʼ. Lu tobi de laacani ti ni rucheeche diidxaʼ guluíʼ ximodo guibiguetaʼ chiganna tuuxa ni maca riaanané revista.

10 min. Ni caquiiñeʼ binni ridagulisaa.

25 min. «Ximodo nga jma jneza gacané doctor laanu guiándanu.» Gutiidiʼ ti binnigola ni. Ca diidxaʼ guzulúneluʼ cadi guindaa cani, ne bizulú ca gunabadiidxaʼ cani cucaadiaga de ni bíʼyacaʼ lu videu Negativa a la sangre, ne zanda iquiiñeluʼ ca guendarinabadiidxaʼ stiʼ videu ca. Ora guilúxeluʼ, biindaʼ últimu párrafo stini, ne gudxi cani cucaadiaga gúʼndacaʼ ni rizaané Xhiiñaʼ Reinu stiʼ beeu noviembre 2006.

Diidxaʼ riuundaʼ 188 ne guiluxeneni oración.

Semana 29 stiʼ enero

Diidxaʼ riuundaʼ 55

10 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ lu beeu enero. Bizeeteʼ cani zanda gusaanenu binni beeu febrero ne bitiidiʼ ti modo zanda gácacani.

20 min. «Ñee nánnaluʼ xi gúniluʼ ora guizaaca xiixa desgracia la?»b Gutiidiʼ ti binnigola ni. Bizeeteʼ ni na yaza 3 stiʼ Xhiiñaʼ Reinu ni Rúninu stiʼ beeu noviembre 2005.

15 min. Pa gábiluʼ binni zabiguétaluʼ la? biʼniʼ stipa gúniluʼ ni. Libana ni ne zanda guicabi cani cucaadiaga ne zeedani lu La Atalaya 15 stiʼ septiembre 1999, yaza 11. Gunabaʼ cani cucaadiaga guiniʼcaʼ xi guleenducaʼ ora yegánnacaʼ tuuxa binni ni gúdxicaʼ zabiguétacaʼ.

Diidxaʼ riuundaʼ 137 ne guiluxeneni oración.

Semana 5 stiʼ febrero

Diidxaʼ riuundaʼ 3

10 min. Cani chiguieeteʼ stiʼ binni ridagulisaa.

15 min. Testigu stiʼ Jiobá naa. Libana ni ne zanda guicabi cani cucaadiaga. Nuu hombrehuiiniʼ ne dxaapahuiiniʼ raca nagana para laacaʼ guiniʼcaʼ nácacaʼ testigu stiʼ Jiobá, purtiʼ riníʼ íquecaʼ zuni burla cani rinecaʼ scuela laacaʼ. Hombrehuiiniʼ, dxaapahuiiniʼ, nuu stale razón para guiniʼluʼ testigu stiʼ Jiobá lii. Ora ganna ca maestru stiluʼ xi runi creluʼ zándaca zuni respetarcaʼ lii ne maʼ qué zucaacaʼ lii gúniluʼ xiixa ni cadi jneza. Ne pa ganna ca hombrehuiiniʼ ne ca dxaapahuiiniʼ ni qué runi ni na Jiobá nácaluʼ Testigu la? maʼ qué zanápecaʼ gábicaʼ lii gúniluʼ xiixa para gucheeneluʼ Jiobá. Ne ziénecabe xiñee qué gápaluʼ xnóvioluʼ o xnóvialuʼ. Laaca ziénecabe xiñee qué riguíteluʼ xiixa para guni ganarluʼ ne xiñee qué riaanaluʼ ra scuela ora maʼ qué gápaluʼ clase. Pa lii guiniʼluʼ Testigu lii la? zanda gucheecheluʼ diidxaʼ ra scuela, ne ora maʼ zigucheecheluʼ diidxaʼ de yoo pur yoo la? qué zadxíbiluʼ pa guʼyaluʼ tuuxa de cani rineluʼ scuela (g02 22/3 yaza 12). Gudxi cani rucheeche diidxaʼ guiniʼcaʼ xi huabeenducaʼ purtiʼ qué nidxíbicaʼ niniʼcaʼ testigu stiʼ Jiobá laacaʼ. Dede ante zanda guyúbiluʼ tobi o chupa de laacabe para guiníʼcabe.

20 min. «Naquiiñeʼ gusihuínninu nadxiinu binni ti gucaadiaga laanu.» Bizeeteʼ ni na libru Xipeʼ ndiʼ cusiidiʼ Biblia, yaza 177 párrafo 8-11 ne yaza 189-191 párrafo 15-19.

Diidxaʼ riuundaʼ 83 ne guiluxeneni oración.

[Ni cá ñee yaza]